Hazrat-e-Suleman (Alehissalam) Aur Parinde

                Hazrat-e-Suleman (Alehissalam) Aur Parinde 

Ek roz Hazrat-e-Suleman Alehissalam ne sare parindo ko huqm diya ki mere darbar me hazir ho kar har parinda bataye ki isme kya kamal hai .Chunancha sab paride hazir huey, Mor,Kabutar,Hudhud, kawwa wagairh,her parinda hazir ho gaya . Sab apna apna kamal bayan karne lage. Hudhud ki bare ayi to isne kaha  “Huzur ! Mujhe ye kamal hasil hai ki chahe kitna ucha udta rahu aur zameen se kitni hi door ho jao, meri nazar itni teez hai ki milo door uper se me zameen ke zarre-zarre ko dekh leta hu . Na sirf yah ki satah zameen ki har cheez ko dekh leta hu balki zameen ke andar zaha pani ho who bhi deekh leta hu aur fir huzur is pani ka jaika bhi malum kar leta hu ki kadwa hai ya meetha.
Huzur! Ap mujhe apne sath rakh liziye.Ap apne takht per tasreef farmaker hawa per sair farmate hue jaha bhi jay mujhe sath rakhe . Me zameen per nigha rakha karunga . Jaha bhi zameen ke ander meetha pani nazar aya karega me bata diya karunga . Ap apna takht waha utar kar  apna darbar laga liya kijiye . ”Hazrat-e-Suleman Alehissalam iska ye kamal sunker bahot khush hue aur farmaya:- Hamne tumhe apne sath rahne ki izazt de di . Kawa hud hud ka ye kamal aur iski izzat afzai sun ker hasd  ke mare jal bhun gaya aur kahne laga ,Huzur ek meri bhi arz sun lijiye , Hudhud ne bilkul zhut bola hai , Isme hargiz ye kamal nahi hai jo isne bayan kiya , Itni door asman per udte hue ager  ye zameen ki satha ki cheze bhi dekh sakta hai to shikari ke jal me kabhi na fasta , Jaal ke ander jo dana pada hota hai isko khane  ke liye kood padta hai aur jaal ise nazar hi nahi ata , Ager itna hi ba kamal hota  to ise dane ke sath jaal me nazar a jaya karta . Hazrat-e-Suleman Alehissalam ne hudhud se farmaya ” Suna kawwa ka itraj ? Tumhare pas iska kiya jawab hai ? ”Hudhud ne kaha , ” Huzur ! ye hasad hai aur hasd me mere kamal ka inkar kar raha hai, Ap mera imtehan le lijiye , mene jo Koch kaha hai ager sahi na hua to abhi mera sar tan se zuda kar dijiye , Huzur ! Nazar to meri wakai teez hai . Lekin  jab is per kaza ka parda pad jata hai to fir mujhe jaal nazar nahi ata . Is hasad ko mere kamal per atraz karna to sujha lekin ise taqdeer wo kaza ki haqeekat na sujhi.                  

                                                                                                                                           ( Hayatul hewan)   

Ek Khobsoorat Aourat Aur Hazrat JUNAID

Ek Khobsoorat Aourat Aur Hazrat JUNAID

Ek aourat hazrat JUNAID bagdadi alehirehma  ke pas akar kahne lagi , mera shohar dosra nikah karna chahta h .Aap ne farmaya agar is waqt us ke nikah me char aourte nahi hai to ise dosra nikah jayaz  hai . Aourat ne kaha , aye JUNAID agar gair mard ko aourto ki taraf dekhna jayaz hota to me apna chehra khol kar aap ko dikhati ki aap mujhe dekh kar kahte ki jis ke nikah mere jaisi khobsoorat aourat ho ise mere siwa dosri aourat ki taraf ragbat karna layak hai ki nahi ? Hazrat JUNAID alehirehma aourat ki guftogo sun kar behosh ho gye . Jab hosh me aye to kisi ne iska sabab pucha .To farmaya ,mere zahen me is waqt ye khayal aya ki haq taala fermata hai ,agar duniya me kisi ko dekhna jayaz hota to me apna hizab utha kar is par zahir ho jata ki wo mujhe dekhta fir is waqt maloom hota ki jis ka mujh jaisa rab ho is ke dil me mere gair ki mohabbat honi chahiye ki nahi ?
                                                              ( Nazhatol Mzalis ,page no 45,jild:1)

                              SABAQ                                                           

 Sachcha musalman wo hai jo apne dil me khuda ki mohabbat rakhe aur is ke gair yani but wagairah duniya ki mohabbat dil me na ane de .Isi ke rasool ki itaat kre . Isi ke nizam ko apnaye aur isi ke ahkam par chale .

Sadq-e-Jariya

                     Sadq-e-Jariya

Hazrat-e-Ibne Shakheer  bahut bade bujrug they , khwab dekha ki qabrastan fata aur qabro se murde nikle aur kuch chunne lage . Un me se ek admi ja kar darakht (Tree) pe teek laga ke baith gaya . Aap uske pas gay aur kaha bhai ye kiya mazra hai ?

Usne jawab diya ye hum musalman jo pahle mar chuke hai wo hai, aur ye jo chun rahe hai wo sawab hai , jo log unko pahucha rahe hai .

To buzrug ne kaha ki  tu kyu nahi chunta(uthata). Usne kaha ki mera hisab thok ka hai , mujhe  bahot milta hai .

Aap ne kaha kaise milta hai  ?

Kaha mera beta hafiz-e-quran hai . Ek quran rozana pad ker baksh deta hai , Mujhe ye chunne(uthane) ki zaroorat nahi padte.

Buzrug ne kaha ki kiya karta hai tera beta ?

Kaha mera beta  fala  bazar me mithai ki dukan karta hai . Subha aakh khuli to ap waha gay. Dekha ek nojawan badi khubsoorat dadhi wala , bada noorani chehra , apna saman bhi bech raha hai aur sath hi sath hont (Lips) bhi hila raha hai . Unuhne kaha .Bete kiy kar rahe ho ?

Nojawan Ne kaha ji quran padh raha hun. Apne kaha kis leye ? Nojawan ne kaha .Ji mere bap ne mere upar ehsan kiya hai aur mujhe quran padhaya aur zindagi me mere leye bahut jatan kiye . Me chahta hun ki unke ehsan ka badla du . Is leye me rozana ek quran pad kar unko baksh deta hu .

Kai saal guzra to dubara khawab dekha wahi qabrestan , wahi murde , who admi jot taik lga ke baetha tha , usko dekha , who bhi sawab chunta fir raha hai ,to buzrug ki ek dam ankh khul gayi.To subha hi subha jab bazaar khula to aap us bazaar me gay, pucha bhai yha ek nojawan halwai tha kha gya  ?

Pata chala ki uska intekal ho gaya hai tab buzrug ko samajh aya ki ab ki baar wo shakhs kyu chun raha tha.

Sufi rahman by manqabat

sufi rahman new kalam

Sehri Aur Iftar Ki Barkate

                             Sehri  Aur Iftar Ki Barkate

Allah tala ki farz ki hui ibadato me roza ek aisi ibadat hai ki jaha khud nafs roze dar bepanah azar aur sawab ka hamil hai . Wahi iske sehri wa iftar bhi azar wa sawab ka zariya hai balki is me Allah tala ki ata ki hui beshumar barkate poshida hai. Rasool-e-akram sallalaho alehi wasallam ka irshade pak hai ki , sehri kiya karo , kyu ki sehri me barkat hai. Ek aur jagah irshad farmaya ," Dusari qoumo aur musalmano me sehri khane ka farq hai ."

Yani dusare mazhab me sehri ka koi tasavwur nahi hai inka roza sehri ke bagair hota hai . Leki islam me roza rakhne se pahle sehri khane ki taqeed ki gai hai . Aur iska sabab ye bataya gaya hai ki pehle sehri karke qvwat hasil karo taki roze ki halat me kisi kishm ki kamzori mehasoos na ho , waise bhi hamara parwardigar asani chahta hai shakhti nahi chahta isliye  ibadat me bhi asani rakhi gyi hai .

Sehri se murad munasib miqdar me woh khana peena h  jo rozadar raat ke pichle pehar uth kar subah sadiq se pahle khata h . hazrat abduallah ibne abbas radiallaho  se rawayat  hai . 

Rasool-e-akram sallalaho alehi wasallam  ne farmaya " Roza rakhne ke liye sehri kha kar qowat hasil karo aur din ke waqat aram karke  raat ki ibadat ke liye  taqat hasil karo."  (Sunan ibne maza)

Rasool-e-akram sallalaho alehi wasallam ne sehri ko babarkat karar diya hai  shariyat me "babarkat " is cheez ko kahte h  jis me allah taala ne apni hikamat se khair o barkat farma de ho ,  jaise apne paak kalam me allah taala ne quran majeed, baitullah , shab-e- qadar, zikr-e-ilahi aur pani ko "mubarak "farmaya h . 

Rasool akram sallalaho alehi wasallam ne sehri me barkat hai . Ise  hargiz na chodo (agar kuch mayssar na ho to) tum pani ka ek ghont hi pi liya kro ,kyu ki sehri khane walo par allah taala apni khusisi rahmat nazil farmata hai . Aur farishte inke liye dua-e-khir o barkat karte hai . Huzoor sallalho alehi wasallam khuzoor se bhi sehri farmaya karte they.Rasool-e-akram sallaho alihi wasallam ne irshad  farmaya  " khuzoor momin ki behtareen sehri hai ".          (Imam abu daood )

Shaban ke  akhiri hisse me nabi kareem sallalho alihe wasallam ne irshad farmaya  "aye logo ;ek azmat wa barkat wala mahina tumhare paas aa gya jis me ek raat to hazar mahino se behtar hai  . Allah ne is mahine ke roze tum par farz kiye hai aur is ki raato me ibadat ke liye khade hona behtar hai  jis ne is maah me qurbe ilahi ke liye koi neki ki to is ka sawab aam dino ke 70 farz ada karne ke barabar hai aur ye sabr ka mahina h aur sabr ka badla jannat hai aur  ye apasi hamdardi ka mahina h aur aisa mahina jis me musalmano ka rizq jyada kar diya jata hai .   

Iftar me barkat aur rahmat poshida hai . Iftar ke waqt roze dar ki dua qabool ki jati hai .Rasool-e-akram sallalaho alehi wasallam  ne farmaya "ki log hamesha khair hi me rahenge jab tak iftar me jaldi karte rahenge."                                                                                                   ( Sahi Bukhari )

Ek aur jagha irshad farmaya " Jab tum roza kholne lago to khuzoor se iftar karo ,kyu ki khuzoor sarapa barkat hai."                                                                 ( Wallah alam bissawab  )

Ramdan Me Kya Kare

                                  Ramdan  Me  Kya  Kare 

Ramdan-ul-mubarak ka mahina hamare liye ek aisa mouka hai jis me ham apne saal bhar ke gunaho se tauba astagfar kar ke Allah se mafi talab kare aur ainda ke liye gunaho se bachne ka ahad kare aur Allah talaa ke ahkamat per amal dar amad kar ke khud ko jahannam me dakhil hone se bacha sakte hai . Balki ibadat ke zariye nekiyo aur bhalaiyo aur achchaiyo ke zariye khud ko Allah tala ki rahmat ka haqdar bana sakte hai bilashuba ye mubaraq mahina hamare liye kisi tohfe se kam nahi hai.
 
 Ramdan-ul-mubarak me isqader ibadat aur achchaiya kare aur tauba aur mafi talab kare ki Allah tala ka dariya-e-rahmat bhi joosh me a jay isliye ki pata nahi ki agle saal hame ye muqaddash mahina mile ya na mile .

Ramdan-ul-mubarak  ke dino me  roza rakhe na kuch khaye na piye aur na kisi gunha ko kare . Ham roze ki halat me apne kam ko anjam  de agar is dauran ham se koi jhagra kar baithe to hum uski baat ka jawab na de sirf use itna bata de ki hum roze ki halat me hai isliye jhagra nahi karenge .

Roze ko jihad bhi kaha gaya hai kyu ki is  mah me ap apne nafs se jihad karte hai yani ki na sirf bhook piyas bardash karte hai balki buri bato jhagre aur jiyadti ko bhi bardash karte hai . Is mah-e-muqaddash me jin logo ko istetaat (Money) ho wo umre ke liye agar tashreef le jay to ye unke liye  beintaha azar wa sawab kahaqdaar hoga.

Agar kisi ke Ramdan-ul-mubarak   ke roze kisi wajah se chhoot jay to wo Ramdan-ul-mubarak  ke bad roze rakh le rawayat hai ki Allah tala farmata hai ki roze dar ke roze ke dauran jo ek makhsoos boo (smell) ati hai wo Allah tala ke nazdeek mushk wa amber ki khusbo se badhkar hai.

 

Ramdan Barkat Aur Magfirat Ka Mahina

                      Ramdan Barkat Aur Magfirat Ka Mahina 

Ramdan-ul-mubarak ke dosare  ushre me yani dosare 10 dino me magfirat gunahao se touba astagfar aur mafi talab karne ka hukm diya   hai ki wo ramdan ke dosare ushre me na sirf ibadat kare aur roza rakhe balki Allah tala se apne guzishta gunaho ,galtiyo , buraiyo se mafi mange aur inse tauba astagfar kare Allah tala ke samne khud ko sharmshar karke  mafi mange aur ainda gunah se bachne ka ahad kare aur is per amal bhi kare . Allah bada maf karne wala gafurur raheem hai .

Dosare ushre ke 10 dino me aur rato me farishte awaz dete hai ki hai koi jo apne gunah mafi talab kare aur galtiyo  aur buraiyo per sharsar ho . Is ushre me Allah tala ka dariya-e-rhamat imtihai josh per hota hai aur wo apne bando ke in tama, gunaho ko maaf farma deta hai jiske liye ki wo sadqe dil maafi mangte aur sharmsar hote hai khwa gunaho ki tadat asman per nikle taro ki jitni hi kyu na ho . Is ushre me kasrat se tauba wa astagfar karna chahiye .

Ramdan-ul-mubarak ka teesta aur akhri ushra jahannam me nizat ka hai . Yani hum is ushre me itni ibadat kare aur tauba astagfar kare aur Allah tala se iltaza kare ki hame jahannam me dakhil hone se bachne ki taufiq ata farmay aur hame jahannam ke  dard naak azab , jahannam ki aag se mehfooz rakhe.

 

Ramdan Rahmato Ka Mahina

                          Rhamato Aur Barkato Wala Mahina 

Badnaseeb hai wo shakhs jo ramdan ke mahine me bhi apne gunha na bakshwa shake . Rasoole kareem sallallaho alehiwasalllam ne bhi yahi taleem di hai ki ramdan-ul- mubarak  nekiyo ka mahina hai. Barkat, rhamat aur nekiyo ko badane aur zyada se zyada nekiya kamane , sawab kamane , ibadat karne ,salato tasbeeh padne ka mahina hai. Ramdan-ul- mubarak ki muqaddas saataye aur raate  hame aur her musalman ko dawat deti hai ki wo inhe ibatat me gujare aur buraiyo se bache aur nekiyo ki taraf ragbat ho kyu ki is mahine me ek neki ka 70 gunah ajar melne ki khuskhabri sunai  gai hai .

 Neki ye bhi hai ki kisi ko sheri ke waqat jaga de , kisi ko roza khulwa de chahe wo ek kajoor se hi  kyu na ho neki ye bhi hai ki kisi ki madad kar de khwah ise road hi kyu na par karne me madad de raste ka patther  katain aur kachra bhi hata dena bhi neki hai , kisi ko pani pilana ,achchi baat karna , akhlaq se pesh aana mehman nawazi karna aur iftar wa sheri karana  sab nekiyo me shamil hai . Jabki ibadat aur behisab ibadat ka mahina to hai hi ramdan-ul- mubarak ka muqaddas mahina jo din ko roze rahane aur raat ko salato tasbeeh me gurarne ki dawat deta hai .

 Ap sallallaho alehi wasallam  ne ramda-ul- mubarak ko 3 ashro me taqseem farmaya hai . Pahla Ashrah  rhamato ka dusara ashrah magfirat ka aur tistra ashrah jahannam  se nezat ka kaha gay hai . Yani pahle 10 din Allah tala apne bando per apni behisab rahmate nazil farmata hai  choti se choti neki ibadat achchai ka sawab 70 gunah badh kar zyda deta hai . 

Farishte in 10 dino me ayr raato me dhondhte rehte hai ki koi banda jo sirf neki bhalai aur achchai ka soche woh is ka azar aur sawab apne naame amal me darz kra de .Dekheye allah tala apne bando par kis kadar meharban hai aur bando ko kis kadar chahta hai ki woh ek mamoli neki ka sawab apani 70 gunah rehmato se deta hai .

Firoun ki beti

                         Firoun ki  Beti ki kanghi karne Wali 

Firoun k beti ki kanghi karne wali Hazrat Moosa Alehissalam per imaan la chuki thi . Ek din woh kanghi kar rahi thi ki kanghi haat se neeche gir padi . Is ke muh se beshakta nikla " Khuda ke kafi ka bura ho ."
Firoun ke beti ne pucha, Kaun se khuda ka tumne zikr kiya ? Boli , Jis khuda ka pata Moosa alehissalam ne diya hai . Firoun ki beti taish me aker boli kya  tum bhi Moosa alehissalam ko manti ho aur mere abba ke khuda hone ka inkart karti ho ?  Boli be shak tumhara baap jhota h . Khuda wahi h ek h jis mujhe , tujhe aur tere baap ko bhi paida kiya aur moosa alihissalam ko apna paigambar bna kr bheja . Firoun ki beti gussa me akar apne baap ke paas pahuchi aur sara qissa ise suna diya . Firoun ne is momina ladki ko bulakar pocha ki kya  ye baat sach h jo mene apni baiti se suni h ?Boli bilkul sach h . Me tujhe khuda hargiz nhi manti aur Moosa alihissalam ka kalma padhti hu . Firoun ne jallad ko bula kar ise lita kar hatho aur pairo me mekhe( keele)thokwa kar ise sakht iza de. Fir iski doodh piti bachahi ko mangwa kar is ke samne lita kar huqam diya ki maa ke samne  is bachahi ko zabah kar do . Ye manjar dekh kr momina be ikhtiyar cheekh uthi . Isi waqt doodh piti bachchi  ko khuda ne zaban ata farmayi aur kahne lagi ,  

                     Ay maa ; khabardar apna imaan na chodna . Sabr wa shukar se meri aur apni taqleef bardashat kar . Khuda ne jannat me tumhare liye ghar bna rakha h . Thodi der baad hum dono wha pahuch kar abdi rahat pa lenge . Chunancha zalim ne dono ko shaheed kar diya .

                                                 (Nazhatul mazalis  , sfa no. 162, jild no. 1 ,bab ul jihad )

                                      **SABAQ**

Sab se badi allah ki ek neamat istakamat  bhi h .Sainkdo jor o zulm hone ke ba wajood apne maslk-E-haq par date rahna bahut bada jihad h . Quran paak me allah farmata h ...

Tarjuma--- 

""Wo jinhone kaha rab humara Allah hai . Fir is pe qayam rahe , in par farishte itrate hain ki na dro aur na gam kro aur khush ho , Us jannat par jis tumhe wada diya jata tha "".

                                                                                                ( Chapter..24 ,,  verses..18 )

Huzoor sallalaho alihe wasallam ke sahaba aur sahabiyat  ahle bait azam aur in ke sadqe me aouliya-e- kiram aur sacche musalmano me bhi istekamat payi jati h . Sahaba-e-kiram par dushmno ke intehahi mzalim hote gye magar in ka yhi naara tha ki                                                       

     Jaan jaye maal-o-doulat ghar lute                      Daman-e-Ahmad  na hatho chhute 

Lekin afsos aaj kal biradri ki khushi hasil karne ke liye shariyat ko chod diya jata h .Musalman ka shewa ye hona chahiye  ki ya rasool allah :mere amalse na bhai khush h na chacha khush h na baap khush h , magar me samjhta hu is ko achcha dalil ye ki aap khush hain. 

Note ... Aap humre post ko padh kr comment jaror  aur humari galtiyuo ki islah kare.

Rafeeq-E-Jannat

                                        Rafeeq-E-Jannat

Hazrat Abdul wahid rahmtullah alihe farmate h , mene allah taala se teen raat ye sawal kiya  , aye Allah mujhe is shaksh ko dikha dijiye jo jannat me mera rafiq ho . Irshad hua ki aye abdul wahid; jannat me tera rafiq maimoona soda hai . Mene arz kiya , wo kaha h ?  Irshad hua ki wo kufa me fla qabeela me hai . Me qabeela me isi pata per gya aur logo se is naam ki aurat ka pata pocha . Logone bataya ki wo to ek majnona aurat hai , bakriya (goat) charaya karti h . Mene kaha ise dekhna chahta hu .Kaha ki fla jungle me chale jao , wo waha milegi . Me is muqam par gya . 

Dekha to wo khde hokar namaz padh rahi thi aur is ke samne ek asa h aur ek oon (wool) ka kapda pahne huye h aur is kapde par likha hua h ki , ""ye na bechi ja sakti h na kharidi "".

Aur ek azeeb waqeya dekha ki bakriya bhediyo se darti nahi . Jab us ne mujhe dekha to namaz ko mukhtasr kiya aur salam fer kr kaha aye ibne zaid ;Is waqt jaoo. Ye waqt wada ka nhi hai , kal ana .  Mene pocha ki tujhe kisne bataya ki me ibne zaid hu ? Kaha kya ye khabar nhi h ki hadees  me aya h ki arwah lashkar (rooh ki lashkar )ki tarah ye jagh hai . Jin arwah me waha taaruf ho gya wo yaha bhi ek dosre se ulfat karte h aur jo waha ek doosre se anjan rhe , in ka yaha bhi ikhtelaf hai . Mene fir pocha ki bhediyo aur bakriyo  ne apas me sulah kab kr li ? Boli jab se me ne apne moula se sulah kr li .                                                                                             

                                                                                                          (  Nazhatul besateen , sfa no 76  )

                                             **SabaQ**

Nek ,pakbaz aur abida aurat goya jannat ki hoor hai . Aur woh her waqt Allah ki yad me rhati hai aur nek , pakbaz aur abd mard ki jannat me rafiq-e-hayat banegi . Aur in pakbaz arwah ka roz-e-azal hi me taruf ho chuka hota hai . Ye bhi maloom hua ki nek aurat ki neki ki barkat se bhediye aur bakriyo ki azli dushmani bhi door ho jati hai aur inki apas me sulah ho jati hai . Aur aj kal ki baz aurate to aise hoti hai ki jis ghar me gai rishtedaro me bhi dushmani paida kar deti hai . Bhai ki bhai se , Bete ko Maa se ladai deti hai . Aur jin ka azli rihsta mohabbat hota hai use bhi tod dalti hai . Goya aisi aurat jannat ki hoor nahi dozak ki dayan hoti hai . 

Namrood ki ladki

                                      Namrood ki ladki

Namrood ki ek kam san ladki ne apne baap se kha; abba jaan mujhe ijazat de ki me Ibraheem ko aag me jalta hua dekhu. Namrood ne ijazat de di aur is ne aag ke kareeb pahuch kr ibraheem alihissalam ko dekha ki ap ke ird gird aag bhdak rhi h. Is ne kisi uchi jagha par chad kar dekha to aag ke shole asman se bate kar rhe the magar Hazrat Ibraheem alihissalam bilkul shi slamat tasreef farma rhe the.hairat me aker puchne lgi, Ibraheem itni badi aag jlati kyu nahi ? Farmaya  jis ke zuban par bismillher rahmanir  raheem jari ho aur dil me khuda ki marfat ka noor ho is par aag ka asar nhi hota . Ladki boli , Ibraheem ;mai bhi tumhare pass ana chahti hu magar charo taraf to aag ke shole bhadak rahe hai . ao kaise .
"Farmaya lailaha illallah ibraheem rasool allah" keh kar be khauf chali aao ladki ne is pak kalme ko pda aur fouran aag me kood padi.
Khuda ki kudrat .Aag is par sard ho gai aur wo is me sahi salim zinda raho. Jab ibraheem ke pass se apne ghar wapas aai aur bap ko sari baat sunai to namrood ne kaha dekh mai tere bhale ki kehta ho deen-e-ibrheeme se baz aa aur buto ki pooja se muh na fer warna acha na hoga .Namrood ne agar che ladki ko bahut draya dhamkaya magar usne ek na mani .Akhir maloon namrood ne es khuda ki pyari par badi sakhtiya ki .Jab eski sakhtiya had se bad gyi to khuda ke huqm se jibreel ayi aur is khuda ki pyari ko waha se utha kar Hazrat lbraheem alihissalam ke pass phucha diya .Hazrat Ibraheem alihisslam ne ise apne ladke ke nikah me de diya jis se uloolazm paigambar paeda huye.

                                               ** SABAQ**

Khuda ki shaan ye bhi h ""yukhriju hiyyaminal miyyate""murde  se zinda  ko paida kar deta hai. Namrood jaise kafir se allha tala ne aise momina ladki  paida ki jo paigambaro ki ma bni.
 Maloom hua ki jis ki zaban par kalma touheed  jari aur dil me irfan bari ho aag se bari hai .
                    Deen se pyar ki badolat namrood ki beti par aag gulzar ho gyi.Baap ko choda magar deen se muh na moda .Ye hai paak baz aurat ka kirdaer .Aur aj kal  ki modrn auratoka kirdar ye h ki Europ ne jo deen haq ke jalane ko atish kudah fashion tayyar kar rakha h ,modrn aurte bade shok se is me kood rhi h . Dahkti aag me koyla dale to wo bhi kala nhi rahta ,surkh ho jata h . Aisi modrn aurte kali rangat ke sath atish kudah fashion me kod kr surkhi powder ki bdolat kali se surkh  ho kr nikalti h .
Halki koyla thodi derke baad thanda ho jane par wahi kale ka kala nazar ata h .Isi tarah aisi aurte bhi thodi derke liye surkh ro nazar ayengi .  Mekup ud jane pr wahi kali ki kali.

Namrood ki ladki ki khush kismati dekhiye ki kafir ki baite ho kr paigambro ki maa bn gyi aur aaj ki musalmaan aurte hippo ar tiddiyo ki maa  bn gyi .Meri ma aur behno :Namrood ki baite  ki tarah zabano pr kalma jari rakho aur dil me irfan bari paida kro.

Ba Haya Aurat

                                       BA HAYA AURAT

Huzoor sallalaho alehi wasallam ke zamane me ek jahil aurat badi bad zaban thi . Mardo se ladti jhagdti rahti thi aur bahut ba hayai ki baate kiya krti thi . Ek roz huzoor sallalho alihe wasallam ke pas se gujri jabki huzoor khana tnawil farma rahe they . Is ne arz kiya ya rasool allah ;mujhe bhi  apne khane se kuch hissa ata farmaye ta ki me apka tabrruk khao,lekin ya rasool allah Aapke khane ka jo luqma aap ke muh me h ho wo mujhe dijiye . Chunancha huzoor ne apne muh se luqma nikal kr ise diya jise woh kha gyi . Jis ka asar ye hua ki us aourat me itni sharm wa hya paida ho gyi ki marte dam tak fir ise kisi se ladte jhagdte ya bad zabani karte nhi dekha gya                                                    (Hujjatullah al alameen , safa no. 436)

                                       ** SABAQ**

 Ye Huzoor sallalaho alehi wasallam ke luab-e-dahan sharif ki barkat hai ki ap ke luab amez luqma khane se behaya aurat bahaya aurat ban gyi . Aur is ki sari badzamani door ho gyi . Aj kal ke kuch manhoos  log aise bhi kisi chote bachche ko sirf apni ungli se shahad  bhi de to wo bachcha bada hokar badzabaan aur behaya ban jata hai . Ye bhi maloom hua ki  Huzoor sallalaho alehi wasallam sarapa nafasat wa taharat they . Huzoor ke gulam apke muh mubarak ki cheez ko imtihayi shok se kha lete the . Aj kal ka koi bade se bada saf suthra shaksh bhi kyu na ho , is ke muh ki cheez khane se ghin ati hai .

                Jis se khari kuwy sheeri jan bane                            Us zalale halawat pe lako salam   

  

Huzoor Ki Foofi Sfiya Radiallahu anha

                   Huzoor sallalaho alihe wasallam ki foofi 

Huzoor sallalaho alihe wasallam ki foofi sfiya radiallaho anha ka intekal hua to huzoor sallalaho alihe wasallam in ki qabr par khade huye aur farmane lage 

       "qauli nabiyun mohammad ibne akhi "  " Ay foofi kah dijiye ki mera nabi mera bhatija h ."  

   Logo nekaha , ya rasool allah ye kya baat h ? Farmaya is  waqat munkarnakeer sfiya se sawal kar rahe h ki tera deen kya h ?aur wo bilkul hairan aur preshan h.Maine un se kah diya hki aap in se jawab me ye kah de ki 

"nabiyun mohammad ibne akhi"   "Mera nabi mera mohammad mera bhatija h "                             Hazreen ne arz ki ya rasool allah ;apni foofi ko to aap ne talkeen kr di , hume koun krega ? Is par khuda taala ne ye ayat nazil farmayi:

"yusabbitullahul lazina amanu beqoulis sabiti fil hayatid duniya wa fil akhera"    

Iman razi aleherhema  ne farmaya ki qoul sabit se murad bande ka ye khana hai ki khuda mera rab hai, Mohammad mera nabi aur deen mera islam hai. Kyuki ye ayat munkarnakeer ke sawal ke bare me nazil hue hai .                                                     

                                                                                            (Nazhatul Majalish,safa no.54 , jild no. 1)

                    

                                           **SABAQ**   

Qabr me har mayyat ke pas munker nakeer ate hai aur phala sawal ye karte hai ki tera rab koun hai?

Dusra ye ki tera deen kya hai ? Aur tisra Huzoor sallalaho alehi wasallam ke mutalliq ki inke haq me tu kya khata hai ? Pahle do sawal ka sahi jawab dene ke bawajood nijat teesre sawal ke sah ijawab dene per hai . Isliye Huzoor sallalaho alehi wasallam ne apni foofi ko jame jawab dene ki talkeem farmai ki you kah dejiye mera nabi Mohammad mera bhateeja hai . Goya Huzoor  sallalaho alehi wasallam ko jisne apna Nabi maan liya , usne Allah ko apna rab bhi maan liya aur islam ko apna deen bhi maan liya . Aur jisne  Huzoor sallalaho alehi wasallam hi ko Nabi na mana wo lakh Allah ko rab mane aur islam ko apne deen kahta fire , wo naji hargiz nahi balki paji hai . 

   Huzoor sallalaho alehi wasallam ke sadke me Allah tala ham gunhgaro ko bhi "qoul sabit" per sabit qadam rakh ker munkarnakeer ke sawalat ke jawab   hum per asan farma dega . Ik naat me likha hai .

"qabr me sarkar aye to me qadmo per giru               Aur farishte gar uthay to me unse you kahu "

"Ki me pay naaz se ab ay farishto kyu uto                Mar ke pahucha hu yaha is dilruba ke waste"  

               

Mallika-E-Saba Bilkees

             

                                 Mallika-E-Saba Bilkees

Mulke Yaman ke ilaka saba ki mallika Bilkees bahot badi hukmaran thi aur use saltanat ke sab sajo saman hasil they aur uska  jo takhat tha bahut bada tha.
 Sone aur chandi ka bana hua tha aur bade -bade qeemti  jawaharat  se jada hua tha.Ye takhat 80 gaz lamba 40 gaz choda aur 30 gaz ucha tha . Ye zamana Hazrat Sulemanm alehissalam ka tha .

 Hazrat-e- Suleman alehissalam ne ik roz apne darbar me hud-hud  parinde ko mojud na pakar farmaya ki hud- hud ki gair hazri per me ise  saza dunga warna koi maqool uzr bayan kare . Thodi deer ke bad hud hud bhi agaya aur isne mallika saba bilkees ka haal bayan kiya ki wo bahot badi hukmaran hai .
 Iske pas ek bada umda aur bhari   takht bhi hai .Jis per wo baethti hai mager hai wo mushrika .Wo aur  iske riyaya ke log suraj ki pooja karte hai .Aur Allah ko sajda nahi karte.
 Hazrat Suleman alehissalam ne hud hud ki guftugu sunkar  mulke saba Bilkees ke nam ek khat likha jiska unwan ye tha .
( Tarjuma :- "Beshaq wo suleman ki taraf se hai aur beshak wo Allah ke nam se hai jo nihayat maherban raham wala hai-tum mere pas musalman banker hazir ho jao aur taqabbur na karo  ").
                                                                       Hud hud ye khat lekar saba me ja pahucha aur mulke saba Bilkees ke takht per jaker  dal diya. Bilkees ne pada to ghabra gyi aur apne arkan daulat se zikr kiya ki lo ye khat pado aur apni ray bayan karo aur batao ki suleman ke pas jau ye na jau . Inhone kaha hum to bade qawi ladne wale log hai . Suleman se hame koi khatra nahi . Ta hum apki jo ray ho wahi thik hai .
 Bilkees aqalmand thi. Isne kaha ,ladai ka anjam bura hai . Agar  wo galib agaya to ulat pulat kar dega . Ijjat daro ko jaleel ker dega kyuki badshaho ke yhi dastoor hai . Sulah kar leni bhetar hai . Awwal  martaba to iske pas jana bhetar nahi . Maslehat isme hai ki phele kuch thofa de kar ilchiyo ko bheja jay . Isse suleman ki puri kaifiyat malum ho jaygi . Ye baat sab ko pasand aai .
 Aur bade bade besh qimat hadiye dekar ilchiyo ko bheja taki suleman iska  mal  dekh kar narm ho jay . Bilkees ki yeh bhool thi kuyki suleman alehissalam to Allah ke paigambar they . Inka maqsad to is suraj ki pooja karne wali mallika ko islam me lana aur burai se bachana tha . Isliye iski ailchi jab besh qimat hadiye de ker suleman alehissalam  ke pas pahuche  to ap ne inko kuch bhi khatir me na laker ye farmaya ki Allah ka diya  mere pas sab kuch hai .
 Ase hadiyoo se tum khush ho jao ja ker usse kha do ki wo musalman banker hazir ho warna me aisa bhari lashker bhejunga ki jiska koi mukabla na kar sakega aur me unko waha se zalil wa khar karke nikal dunga.Ailchi to idhar rawana hue aur udhar Hazrat suleman alehissalam ne apne darbariyo se kaha ki tum me se hai koi Bilkees ke ane se phale mere pas iska takht  uta lay .

 Ek bade qawi jin ne kaha huzoor me wo takht apke darbar se rukhsat hone se pahle leata hu. Ek dusare darbari ne jo kitab ka ilm rakhta tha kaha huzoor me iska takht apke palak jhapkne se pahle le ata hu .Chunancha palak jhapakte hi isne wo takht laker  suleman alehissalam ke samne khada kar diya .Uske bad  Bilkees jab darbar suleman me pahuchi to apne se phele waha apna takht dekhker heran rha gyi . Aur khane lagi ,Huzur ! Hame to pahle hi malum ho gaya tha ki ap bade takatwar aur khuda ke burgazida hai . aur phir kahne lagi .  

"Aye mere rab mene apne nafs per julm kya tha aur  ab me suleman ke sath Allah  ki hukm bardar (Musalman) hoti hu jo sare jahano ka rab hai ".
                                                                  ( Quran majeed tafseer haqqani  sfa no, 290  jild 5 )                        
                                       Iske bad Hazrat Suleman alehissalam ne Bilkees se nikha farma liya . 
     
                                                                       ( najhtul mazalis sfa 444,  jild 2)

Pyare Nabi Ki Pyari Bate

                                PYare NAbi Ki PYari BAte     

1- Agar tum Allah per bharosa karo jaisa ki bharosa karne ka huq hai to wo humhe is tarah rozi dega jaise parindo ko deta hai . Subha ko (apne ghosale se ) khali pait nikalte hai aur sham ko shikam- sheer ho kar lotte hai .

                                                                                                                               ( TIRMIZI SHARIF)

2- Agar tum who bate jan jao jo mujhe malum hai to haste kam aur rote jayda.

                                                                                                                            ( BUKHARI SHARIF)

3- Apni aulad ke sath insaf bhara bartao karo  (sabko ek jaisa samjho aur do)
.

4- Jinke 3 bachche balig hone se pahle hi intekal kar gay ho ,un bachcho ko kayamat ke din jannat ke gat per laker khada karke kaha jayga- Jao , Jannat me chale jao . Wo kahenge - hum tabhi jannat me jayngy jab hamare Ma- Bap jayengy. Phir unse kaha jayga - Jao , Apne Ma-Bap ko lekar jannat me chale jao. 
                                                                                                                                       (TABRANI )

5- Apne ghar walo(bal-bachcho ki jayaj zaroorto) ke liye ek rupay kharch karna kherat wa zihad me kharch karne se bhi afjal hai.
                                                                                                                            (MUSLIM SHARIF)

6- Jab kisi ke ghar beti paida hoti hai to Alllah pak ke farishte uske ghar walo ko kushkabri wa salamati ka pegam sunate hai. Fir wo ladki ko apne paro ke shay me lelete hai aur uske sar per haat ferte hue khate hai -yha ek kamjoor jan hai jo ek kamjoor jan se paid hue hai. Jo is bachchi ke dekh rekh wa parwarish  karega , kayamat tak Allah pak uski madad farmara rhata hai

7- Ma-Bap ka farz hai ki jab ghar me bachcha ho to uska achcha name rakhe, achchi taleem - tarbiat de. Who balig ho jay to unki shadi kara de .                                                      (MISHKAAT SHARIF )

Karamt-e-Fazle rahma

          HIRAN KE BACHE KO EK AWAZ ME BULA LENA

Ye auliya allah walo ki shan hoti hai ki apki hukumat insano par hi nahi balki jinnat aur haewanat par bhi hoti hai jaese allah ki shan uska nabi hota hai .
Waise hi nabi ki shan uska wali hota hai tafseel se btao to allah ki shan hamare aqa mohammad mustafa sallalaho alihewasallam hai aur hamare aqa ki shan huzoor sarkar gouse azam radi allahu anhu hai aur ap ki shan huzoor sarkar fazle rehma razi allahu anhu hai Aise  hi sab waliyon ki shan alag alag hoti hai aur sab ba kamal wali hote hai. 

                          Heran ke bacche ko ek awaz me bula lena ye shan mere sarkar fazle rehma razi allahu anhu  ki hai .Apse apke mureedo ne farmaya  huzoor chaleye shikar par chalte hai. Ap inke bahut zeed karne par shikar ko gye. Bahut dair intezar karne ke bad sabko ek heran ka tola (group) nazar aya .Logon ne kha huzoor shikar kare .Apne shikar karne se inkar kar diya aur farmaya me ek hiran ko bula leta haun .Apne buland awaz se ek hiran ko bulaya ar baqi heran ko jane ke liye kaha to ek heran  doud kar apke pass aa gaya . 

 Log bahut khush ho gae aur heran ko zinda le jane ghar  le jane ki tayyari krne lge.Apne farmaya nahi isne hmari baat manli hai ab tum log bhi ise azad kr do. Logon ne apki baat manli aur ise jane diya .Ye shan hai sarkar gouse zma qutubul waqt owais-e-doura huzoor sayyadna shah fazle rehma radi allahu anhu ki .
                     Allah ka shukr hai ke ham log in ki gulami me hai ar apki gulami me hamesha rahe ameen ,summa ameen .

    

                           KABA  SHARIF KA KHUD ANA 

Hzrat Maulana Shah Fazle rehma ganj muradabadi  razi allahu anhu ke bahut se mureed aur aqidat mand aksar Hzrat Fazle rehma ganj muradabadi razi allahu anhu ko makka shareef aur madina shareef me dekhte they .Koi makame ibraheem per pata to koi touafe kaba karte huye koi masjid-E- nabvi me namaz padhte huye jabki hazrat  zahiri tour me hazrat ganj muradabad me moujod hote they . Haj  khtatm hone ke baad jb mureed waps akr hazrat ko ye baat batae to wo us pr muskura dete.

Hzrat Syed  Mohammad maroof madni shah  sahab (rahmatullah alaih) aksar Hzrat ko kaaba sharif me namaz ada karte dekhte. Jab milne ki neyat se qareeb jate to Hzrat gayab ho jate . Bahut deno ke bad kisine btaya ke Hzrat se milna hai to ganj muradabad sharif jao . Jo  ki India me hai .Hzrat syed mohammad maroof madni shah sahab (rehmatullah alaih) fauran India aye aur Hzrat Fazle rehma ganj muradabadi (razi allahu anhu) se dast-e-byet liya aur maqam-e-welayat par bahut jaldi fayaz hue. Hzrat Fazle rehma ki sarparesti me .

Hzrat Fazle rehma ganj muradabadi (razi allahu anhu) apni walda ke saath akele karte they .Ek din aapka dil hua ki aap bhi jahiri tour pr kaabe ki ziyarat kar aye jab apne apni ammi se izazt mangi . To unki walda ne unse kaha ki me itni zaief ho gyi hu agr tum haj pe chle jaoge to mera khayal koun rakhega .Baad me kabhi chle jana .Ye sunkar apne jana cancel kar diya. Sirf apni walda k raza ke liye. 

Jb raat hazrat Fazle rahma ganj muradabadi radiallalho apne huzre mubarak me lete huye they tb aap ne kya dekha ki kaaba sharif unke samne khada ar kaaba sharif hazrat moulana shah fazl-E-rahma ganj muradabadi alaih rahma se  kahta h ki aap ki bepanah mohabbat ki wajh se allah ne mujhe huqm diya h ki me aapke paas khud aa jao .ALLAH ALLAH   ye shan h mere peer o murshid sarkar Fazl-E-rahma ganj muradabadi alaih rahma ki .

                                                                                                 ( Rahmt-o-Naimat)

                                               

                                                                                                                               

ISLAMIC QUIZ

               TAZKIRA-E- AMBIYA-E-KIRAM  ALEHISSLAM

1. Nabi ke lagvi mane kya hai ? (Gaib ke khabar dene wala )
2. Duniya me kitne ambiya-e-kiram tashrif laye ? (kam wa besh 1 lakh 24 hazar )
3. Duniya me kitne rasool tashrif laye ? (313)
4. Quran majeed me kitne ambiya-e-kiram ke naam hai ? (26)
5. Asmani kitabon ki tadad kitni hai ? (104)
6. Taorait, zuboor,injeel,aur quran majeed ke alawa baqi kitabon ko kya kha jata hai ? (sahife )
7. Ambiya-e-kiram se hone wale haerat angej kaam ko jo insaani aqal se bahar ho,use kya khte hai.  (maujaze)
8. Quran majeed me kitne surah ambiya-e-kiram ke naam se hai ? (6)
9. Woh koun se nabi hai jinki 4 puushten sharf nabuwat se mushrraf hai ? ( Hzarte ibraheem alehisslam)
10. Woh koun se nabi hai jin ki umar 3000 hazar saal hue? ( Hzrat shuaib alehisslam)
11. Allah tala ne ketne ambiya-e-kiram ko asman par uthaya,aur koun koun se ? (Do ambiya-e-kiram ko Hzrat idrees alehisslam aur Hzrat esa alehisslam)
12. Woh koun se nabi hai jinhone shab-e-meraj me ummat-e-mohammadiya ko salam kehlwya ? ( Hzrate ibreen alehisslam )

    ABUL BASHAR HAZRAT ADAM ALEHIS SALAM 

1. Hazrat adam alehissalam ko abul bashar kyu kaha jata hai ? (kyu ki ap duniya ke sabse pahle bashar hai)
2. Allah tala ne hazrat-e- Adam alehissalam ko kis cheez se paida farmaya ? (mitti se)
3. Hazrat-e- Adam alehissalam ko jis mitti se banaye gay us mitti per kitne roz tak barish hui ? (40 din tak )
4. Hazrat-e- Adam alehissalam ki paidaish se pahle Allah tala ne farishto se kiya farmaya tha ? (Me zameen per apna khalifa banane wala hu  )
5. Hazrat-e- Adam alehissalam ki paidaish kis din hui ? ( yaum-e-ashura :- Jume ke din )
6. Hazrat-e- Adam alehissalam ne sabse pahle kis ko salam kiya ? (Farishto ko )
7. Hazrat-e- Adam alehissalam  ko  sajda karne se kisne inkar kiya ? (Iblees ne )
8. Farishto me Hazrat-e- Adam alehissalam ko sabse pahle kisne sajda kiya ? (Hajrat-e-Jibraeel Alehissalam )

Deen kya h??

                         MOMIN MOMIN KA AYINA H

Rasool-E-akram sallalaho alihe wasallam ne farmaya ki tum se har shaksh apne bhai ke  liye aaina h. So is me koi buri baat dekhai de to is se door kr dene chahiye.

                                         ( An abu hurera radiallaho anhu , tirmizi)

                             DEEN  KYA  H ??

  Sirf namaz  ,roza  wagairah ki pabandi  karna ,deen nahi h , balki deen ka ek hissa h . Dar haqeeqat deen ke 5 aza hain . Jb tak ye 5 aza na ho deen , deen na muqammal rahta h . Jaise aapko koi khana pkana ho ,jaise  pulao pkana h to is ke liye gosht ,chawal , namak  ghee wagirah aza h .In me se kisi ek cheez ko pulao nhi kaha ja sakta . Isi tarah deen ki takmeel ke liye 5 aza hai.

 

Hazrat-E-Zulekha

                                                        Hazrat-E-Zulekha

                          ( radiallaho anha )                               

Hzrat-e-Yousuf allihissalam jb qaid se riha huye to aap ne khushi me ek mahina tak lgataar khane ka intezam kiya aur logo ko jma karke he chote bade  ki dawat de . Zibreel alihissalam ne arz ki huzoor ;Abhi dawat pori nhi hui . Farmaya kon se baat rah gyi ?       Kaha: wo dekhiye khuzoor ki jhopdi me ek andhi budhiya baithi h , ise khana nhi khilaya gya .Aap ne farmaya abhi bulata hu . Chunancha aap ne ise bhi bulane ke liye ek admi bheja .  budhiya    qasid  ki zabani kahla bheja, ki Yousuf khud mere paas aye phir filbad yeh shai padha 

La tbasoona ma an naseeme risalat                                   Inni afazu min naseeme alikum      

"Tum  naseem ko qasid bna kr mt bhejo kyuki mujhe naseem se tum pr rashk ata h "

Qasid budhiya ka ye jwab sun kr palta aur hazrat-e-yousuf alihissalam ko budhiya ke jwab se mtlaa kiya .
hazrat-e-Yousuf alihissalam uthe ar is ke pas jakr kahne lge.

Aye budhiya ;Humari dawat qubool kr ke majlis ki ronak badha . Budhiya ne yousuf ki zabani ye kalma sun kr ek thandi sans bhar kr kha , haye ek din wo tha ki tu mujhe ya sayyadi kah kr adab se pukarta tha ,aaj ye din h ki tu mujhe budhiya kah kr pukarta h .Mene apna beginat maal tujh pr nichawar kiya ar tere qadmo tle besh qeemti moti bichaye . Budhiya ki in baato ko sun kr yousuf alihissalam ne sakhti se farmaya ki ye kya gustakhi ar taza krishma h .Budhiya  ne kaha ,Yousuf me zulekha hu . Is hairat angaiz inkshaf pr Yousuf alihissalam ke dil pr bda asar hua ar aap rone lge. Zulekha waha se uth kr majlis dawat me ayi to tamam log uth khade huye .Hazrat Yousuf alihissalam ne fir ek qeemti khalat ise pahnaya .Zulekha ne kaha :mere qabze me is se bahut kuch  badh kr tha .Agar mera dili maqsad isi waqt br laye to behtar h warna me apni jhopdi me chali jaongi .Aap ne farmaya wo kya maqsad h ? Boli meri gyi hui jwani ar ankho ki  roshni wapas a jaye ar aap mujhe apne nikah me la kr mujhe izzat bakhshe.
Yousuf alihissalam kuch sochne lge ki Zibreel ameen ne akr arz ki : Khuda taala farmata h , hum ne  tere liye iski jwani ar binayi waps karke ise azmat bkhshi so ab tu nikah ke sath is ke sar pr izzat ka taj rakh .Aap ne dekha ki zulekha jawan ar beena ho gyi ar aap ne un se  nikah kar liya .

                                                 (Nazhtul mjalis , bab ul amanat  sfa no 3 jild 2)




                                                         *SABAQ*


Mallom hua ki zulekha ko allah ke paigambr se sacchi mohabbat thi ar woh aap ke hijr ar faraq me budhi aur na beena  ho gyi thi . Allah  ke paigamber ke sath is sacchi mohabbat ki badulat woh jwani wa binayi jo jakr kabhi wapas nhi ati , allah taala ne wapas kardi aur azsar nou shabab wa noor se musharraf farma diya ar hazrat Yousuf  alihissalam ke nikah me akar paigamber ki bivi ban gyi . Ye maalom hua ki jin sachche musalmano ko huzoor sallalaho alihi wasallam se mohabbat hoti h in ke chahro pr noor barasta nazar ata h aur in ki shaan ye hoti h ki  "  iza zukero wazkurullah "  
jb inhe dekha jaye to khuda yaad a jata h aur wo log huzoor ka naam sun kar chum kar ankho se lga lete h .


 Aur Is ke bar aqs  jinhe huzoor se mohabbat nhi hoti in ke dil bhi syah ar chahra be noor aur huzoor ke fazail dekhne me ankho  ke andhr nazar ate h .

Jahannmi Aurate

                                          Wahlah aur Waakah

Wahlah Hazrat Nooh alihissalam ki bivi ka nam h aur Waakah Hazrat  Loot alihisslam ki bivi ka naam h . Ye dono nabiyo ki biviya thi magr dono  apne muqaddas shohro ke khilaf aur kafiro ka sath dene wali thi. 

Wahlah apni qoum se hazrat nooh alihissalam ke mutalliq kahti thi ki wo dewane ho gye hain (maz allah) aur waakah hazrat loot alihissalam ke khilaf jasusi kar ke kafiro ko khabar diya karti thi.

Khuda taala ko in ki ye harkte pasand na ayi aur jahnnmi hone ka ailaan farma diya . 

Quran paak me h.

                       "Allah kafiro ki mishal deta h .NOOH alihissalam ki aurat aur LOOT alihissalam ki aurat wo hmare do nek bando ke nikah me thi fir unhone in se dga ki (yani kufr akhtiyar kiya ) to wo allah ke samne inhe kuch kaam na aye aur diya gya ki tum dono aurte jahnnam  me jao  jane walo ke sath ."                  

                                                                                                             (chapter 28  ,verses  20)

Garz ki ye dono kafir aurte is duniya me kafiro ke sath halak ho gyi . NOOH alihissalam ki bivi tufan me garqho gyi aur LOOT alihissalam ki bivi bhi is afat me akr halak ho gyi jo is qoum pr ayi .Ye  to duniya me hua aur qyamat me jahannamiyo ke sath sath jahannam me dal di jaygi .                             

                                       (khazain ul irfan  , sfa no.:790  aur  tafseer haqqani  , sfa no.:120)

                                                                                                                         ( jild no.:7)

                                                     SABAQ


Iman aur nek kaam hr shaksh ke liye jaroori h chahe wo kisi pagambr ka kitna bada muqarib wa aziz hi kyu na ho . Kufr aur  bura  kaam agr koi pagambr ki bivi ya koi dusra aziz bhi akhtiyar krega  to is ki saza isa jaroor milegi .

Isiliye khuda-e-taala ne humaer huzoor sallalaho alihi wasallam se bhi farmaya ki "  Ay mehboob apne qareeb tar rishtedaro ko darao".
                 Maalom hua ki ambiya -e-kiram alihissalam aur auliya-e- kiram ki aulad aur in ke degar rishtedaro ke liye bhi imaan aur amal saleh jaroori h . Ye log qurabat ke gurur me allah ar iske rasool sallalho alihi wasalam ki itaat se sartabi hargiz na kre .
     
  Khush aqeeda sayyad hazrat humare sar ka taj haur ankho ka noor hain lekin ye baat galat h ki jo  sahibe  sayyad ho wo kuch bhi karte fire , namaz na padhe ,roza na rakkhe ,dadhi mundaye , sharab piye ,inhe kuch na kaho is liye ki wo badshah h .   Sayyad ko argar badshah banna h to ise bhi huzoor sallalaho alihi wasallam ki itaat krni padegi warna wo kuch bhi nhi .

Huzoor sallalaho alihi wasallam ki itaat agar gair sayyad ke liye lazim h  to sayyad ke liye bhi lazim h balki be had jaroori h

  aur iqbal  ne likha h

Yu to sayyed bhi ho mirza bhi ho afgan bhi ho                  Tum sbhi kuch ho btao musalman bhi ho

Yha ek aur masla bhi samjh lijiye ki ho sakta h ki kisi pagamber ki bivi kafir ho jaye lekin ye nhi ho sakta ki kisi pagamber ki bivi badkar ho . '"Fakhatana huma"'  me jis khyant ka zikr h wo imaan me khayant h jo in dono biviyo ne ki .  Kirdar ki khayant yani  zinzkari murad nhi h kyu ki hazrat ibne abbas radiallaho anhu se marvi h ki kisi nabi ki bivi badkar nhi hui.


                                                   (Roohoul byan,sfa no.407  aur  tafseer haqqani,sfa no.160 , jild no 7)

Irshadat-e-rasool (sallalaho alihewasallam)

                          Pasandeda  Sefat  

Hazrat abu hurera radiallaho taala anhu byan karte h,  ki ek din rasool allah sallalaho alihe wasallam ne farmaya :"Kon h jo meri bate gour se sune aur is pr amal kre.Dosre logo tk bhi pahuchaye  taki wo bhi ispr amal kre."

Abu hurera radiallalho anhu : Ya Rasool allah ; farmaye, me hazir hu .

Rasool allah (mera hath thamte huye)  To suno wo 5 bate h .

1- Allah ki na farmani se bacho, bahut bade abedin bn jaoge. 

2-Jo rozi allah ne tumhare liye muqarar farma de us pr qnaat kro. Sab se jyada gni ho jaoge .

3-Apne hmsaye ke sath husn solok se pesh aao,momin bn jaoge .

4-Dusre ke liye bhi whi cheez pasand kro ,  jo tumhe apne liye pasand ho.Muslim bn jaoge .

5-Zyada na haso . Aisa krne se dil murda ho jata h.

Pyare Nabi Ki pyari Bate

                  Pyare Nabi  Ki pyari Bate

• Reshmi  kapde na phano aur  sone- chadi ke bartano me na khao.
• Pet ke bal jhuk kar, ek hat ke chullu se aur kutte ke tarha pani me muh dalkar pani na piye.
• Ek  shat mil bat kar khaya karo ki isme barkat h.
• Pet bhar kar na khao, ek tehai hissa khane se bharo, ek tehai hissa pani say bhro aur ek tehai hissa se lene ke liye khali rakkho.
• Ek saas me pani na piyo balki do ten saas me piyo. Pene se phale bismillha padho aur pene ke bad  alhamdulillha kaha karo.
• Bawazu khane -pene say gar me barkat hoti hai. 
• Mehman ki ijjat karo, padosi ko takleef na do , bolo to koi  achchi bat bolo , warna khamoosh raho. Aur apne rishtedaro se achcha bartao karo .
• Maa-Baap ki nafarmani karne wala unke intekal ke bad agur unke liye dua-e- magfirat karta rahe to Allah pak use nek  bana deta hai.

Achchi Nasihat

       Musalman  Musalman Pr Zulm Na Kre 

 Rasool kareem sallalaho alehi wasallam ne farmaya ki musalman musalman ka bhai h . Wo us pr zulm na kre aur na musebat me dale aur jo shaksh apne bhai ki hazat pori kre . Allah us ki hazat pori karta h ar jo shaksh kisi musalman ki sakhti door krta h ,allah us ki kayamt ki sakhtiyo me se koi sakhti door krega  aur jo shaksh kisi musalman ki satar poshi karta h . Allah kyamat ke din us ki satar poshi krega .
                                                    (An ibne Umar )

   Allah Ko Mehboob Do Katre aur Do Nishan



Rasool kareem sallalaho alehe wasallam ne farmaya ki allah taala ko koi do qatro ar do nishan se jyada mehboob nhi . Ek ansu ka qatrah jo khuda ke khouf se bahaya jaye aur dosra khon ka qarah jo zihad fi sabeel allah me giraya jaye . Aur do nishan ye h , ek wo qadam  jo zihad fi sabeel allah me uthaya jaye aur dusra jo allah taala ke fraiz me kisi farz ke ada krne ke liye uthaya jaye .