SADQA  KARNE  KE  KUCH  CHOTE  CHOTE  TAREQE

1. Apne kamre ki khidki me ya chhat par parindo ke liye pani ya dana rakhiye .
2. Apni masjid me kuch kursiya rakh dijiye jis par log baith kar namaz padhe .
3. Sardiyo me moje /muflar /topi gali ke jamadaar  ya mulazim ko gift kar dijiye .
4. Garmi me road par kaam karne walo ko pani lekar dijiye .
5. Apni masjid ye kisi jalse me pani pilane ka intezam kijiye .
6. Ek Quraan majeed lekar kisi ko de dijiye ya masjid me rakh dijiye.
7. Kisi majoor ko pahiyo wali kursi le dijiye .
8. Apni pani ki bottle ka bacha kisi podhe me dal dijiye . 
9. Kisi gamgeen ke khushi ki wjah bniye.
10. Logo se muskurakar pesh ayiye aur achhi bat kijiye.
11. Khana parcel krate huye ek jyada le lijiye kisi ko sadqa karne ke liye.
12. Gali muhalle ke mareeez ki eyaadat ko jana apne liye lazim kar lijiye .
13. Hospital jaye to saath wle mareez ke liye bhi kuch lekar jaye .
14. Haisiyat ho to munasib jagah par cooler lagwaye.
15. Zindo par kharch kijiye murdo ke esaal e sawab ke liye .
16. Apne muhalle ki masjid ke coolar ka filter tabdeel kra dijiye .
17. Gali andheri hai to ek bulb  lga dijiye .
18. Masjid ki topiya ghar lakar dho kar wapas rakh ayiye .
19. Ghar ke mulazmeen se shafqat kijiye ,inke tan aur sar dhapiye.
20. Is paigam ko dusro ko bhej kar sadqa khairat par amadah kijiye .

Sadqa ahdees ki roshni me....

1. Burayi se rokna sadqa hai. [Muslim:1007]
2. Neki ka huqam dena sadqa hai. [Muslim :1007]
3. LA ILAHA ILLALLAH  kahna sadqa hai.[Muslim :1007]
4. SUBHAN ALLAH  kahna sadqa hai .[Muslim:1007]
5.  ALHAMDULILLAH  kahna sdqa hai .[Muslim :1007]
6. ALLAH HU AKBAR  kahna sadqa hai .[Muslim:1007]
7. ASTAGFIRULLAH  kahna sadqa hai .[Muslim:1007]
8. Raste se pathhar ,kanta aur haddi htana sadqa hai.[Muslim :1007]
9. Apne doul se kisi bhai ko pani dena sadqa hai .[Tirmizi :1956]
10. Bhatke huye shakhs ko rasta btana sadqa hai.[Tirmizi: 1956]
11. Andhe ko rasta batana sadqa hai .[Ibne Habban :3368]
12. Bahre se tej awaz me baat karna sadqa hai .[Ibne Habban : 3368]
13. Gonge ko is tarah batana ki wo samjh sake sadqa hai.[Ibne Habban :3377]
14. Kmjor admi ki madad karna sadqa hai .[Ibne Habban :3377]
15. Madad ke liye pukarne wale ki daor kr madad karna sadqa hai .[Ibne Habban: 3377]
16. Sawab ki niyat se apne ghar walo par kharch karna sadqa hai.[Bukari : 55]
17. Do logo ke beech insaf karna sadqa hai .[Bukhari :2518]
18. Kisi admi ko sawari par bithana ya uska saman utha kar sawari par rakhwana  sadqa hai .[Bukhari :2518]
19. Dusre ko nuksan pahuchane se bachana sadqa hai. [Bukhari:2518]  
20. Namaz ke liye chal kr jane wala har qadam sadqa hai .[Bukhari:2518]
21. Raste se taqleef deh cheez htana sadqa hai. [Bukhari :2518]
22. Apne bete ko khilana sadqa hai. [Nisayi - Kabeer:9185]
23. Khud khana sadqa hai. [Nisayi : Kabeer:9185]  
24. Apni biwi ko khilna sadqa hai. [Nisayi : Kabeer:9185]
25. Apne khadim ko khila sadqa hai.[Nisayi : Kabeer:9185]
26. Kisi musibat jada hajatmand ki madad karna sadqa hai.[Nisayi : 253]
27. Apne bhai se muskura kar milna sadqa hai. [Tirmizi:1963]
28. Apne bhai ki madad karna sadqa hai. [Abu yala: 2434]
29. Pani ka ek ghoot pilana sadqa hai. [Abu yala: 2434]
30. Milne wale ko salam karna sadqa hai. [Abu yala: 2434]
31. Apas me sulah karwana sadqa hai. [Bukhari- Tarikh: 259/3]
32. Tumhare darhat ya fasal se koi kuch khaye sadqa hai. [Muslim :1553]
33. Bhoke ko khana khilana sadqa hai. [Behki - Shuaib :3367]
34. Do martaba karz dena ek martaba sadqa dene ke brabar hai. [Ibne maja : 3430]
35. Kisi admi ko apni sawari par bitha lena sadqa hai. [Muslim : 1009]
36.  Gumrahi ki sarzami par kisi ko hidayad dena sadqa hai. [Tirmizi : 1963]
37. Zaroorat mand ke kaam ana sadqa hai. [ Ibne Habban : 3368]
38. Ilm sikh kar musalman bhai ko sikhana sadqa hai. [Ibne maja :2243]

Is paigam ko logo tak pahucha kar sadqa e zariya ka hissa ban jaye.

3  SAWAL

Kaha jata hai ki sultan Mahmood gajnavi ke zahan me hamesha 3 sawal khatakte rahte they.

#  Pahla sawal ye ki me waqyi Subutageen ka beta hu ki nahi . Kyuki un ke mutalliq  mashhoor tha ki ye badshah ke sage bete nhi balki god liye bete hai .

# Dusra ye ki ulma waqyi ambiya ke waris hai ???Ye to khud  be akhtiyar qaum hai . Ambiya ka waris to badshah e waqt ya kisi ba akhtiyar admi  ko hona chahiye .

# Tesra ye ki main jannat me jaunga ya nahi ???

Inhi 3 sawalo ko lekar wo hamesha pareshan rahte they .Ek martaba kisi safar se wapas aa rahe they ki raste me ek talib e ilm ko dekha jo kitab haath me liye ek kabab farosh ke diye ke paas khada hai .Hawa chalti h to ye talib e ilm diye ke kareeb ho jata hai jyada aage bhi nhi badh sakta ki kahi kabab farosh ye na kah de ki bhai lena nhi to fir khade kyu ho ??

Sultan Mehmood ne jab ye manjar dekha to khadim ko huqm diya ki ye mashal is talib e ilm ko diya jaye ,aap khud andhere me ghar tashreef le aye , isi raat me khwab me aap sallahu alihi wasllam ki jiyarat hui, aap sallahu alihi wasllam ne ek jumla irshad farmaya aur sultan Mehmood ko apne teeno sawalo ke jwabat mil gaye . 

Maloom hai ??? Wo jumla kya tha ...... mulakhta ho, 

"Aye Subuktageen ke bete , tere jannat me jane ke liye itna kafi hai ki , tu ne us ambiya ke waris ko charag diya ".

 KYA  THA  HUMARE  PAIGAMBARO  KA  YAKEEN ???

LA  ILAHA  ILLA  ANTA  SUBHANAKA  INNI  KUNTO MINAZ  ZALIMEEN 

Machli ka pet, ghup andhera, rab ko pukara, aur nijat mil gayi . Kaha hai humara yakeen???

Choti si mushkil , preshani pe sab se pahle humare muh se nikalta hai ki mere saath hi Allah aisa kyu karta hai ya sari azmaish mere liye hi kyu rakkhi gyi hai ????

Ek baar dil ke yakeen se ise pukar ke  dua to kare na. Rab ke faisle sab se behtareen hai . Humara rab wo nhi deta jo behtareen hota hai balki hume wo is se nwazta hai jo humare liye behtareen hota hai to fir ye shor machana chod de aur apne khwahisho ko rab ki chahat pe mat hawi hone de .

Hazrat e Ibraheem alehissalam,  aag ka thanda hona hasbunal lahu naimal waqeel  kitni khobsorat dua hai . Kya hum kabhi aag me giraye gaye hai ?? Nahi na . To hum apni aam si mushkil ke liye kyu choti si dua nahi mang sakte , kyu hum apni zindagi se shikwe ko nikal nahi sakte ,kyu hum sabar aur shukar ko apni zindagi ka shuaar nhi bna lete kya hamari mushkilat humare Rab se badi hai ???  

Rab pe bharosa aur tawqqal kare , sabr se aur namaz se madad talab kare. Wo jaroor ata karta hai. Wo kabhi bhi apne bando ko akela nahi chodta . Jab koi ungli chodta hai na to us se pahle hi wo ungli pakadne wala bhej deta hai aur agar jis ki ungli pakdne wala koi na ho aiso ko wo fir khud aage badh kar thaam leta hai bas iski paak zaat pe apna yakeen pakka kijiye.

BETIYA  BETIYA  HOTI  HAI

Haatim taayi ki beti qaid ho kar bargah e risalat sallalahu alihi wasallam me ayi aur thoda sa sar se dupatta ...........sar ke thode baal ya ek baal nazar a raha tha.

Aap ne hazrat e umar radiallahu anhu ko farmaya umar beti ke sar pe dupatta do. Hazrat e umar radiallahu anhu ne kaha ya rasool allah kafir ki beti hai .

Aap sallalhu alihi wassalam ne ro kar farmaya umar beti, beti hoti hai chahe kafir ki ho ya musalman  ki .  Aap apni jagah se uth khade huye aur chadar uthakar bachchi ke sar par rakkhi aur farmaya beta mere sahaba apko qaid kar ke laye hai mere paas rahna chaho to raho wapas jana chaho to ja sakti ho . Wo ladki kahti hai main wapas jana chahti hu . 

Aap sallahu alihi wasallam par mere maa baap qurban .Aap  ne sahaba ki duty lgayi . Do din aur do raato ke baad aap ke pak sahaba darwaze par pahuche darwaza khatkhtaya. Andar se atayi bin haatim yani haatim ka beta bahar aya . Jab bahan ko gair mahram sahaba ke saath dekha to gusse me a gaya . Pahla sawal  bahan se pocha . Musalmano ka nabi kaisa hai ?  Bahan bhaag kar age hui aur bhai ke muh par haath rakh kar kahti hai bhai galat alfaz muh se na nikalna mara baap bhi meri izzat ki hifazat nahi kar sakta jo Muhammad e arbi ne ki hai.

Usne pocha ye sahaba ka kirdar kaisa h ? Kahne lagi namaz ka wqat  hota tha ye namaz padhte they maine unka chehra nhi dekha unhone mera nahi dekha . Gussa thanda ho gaya . Kahne lga agar musalmano ka nabi itna accha h to musalman kyu nhi hui . Wo kahne lgi dil chahta tha musalman ho jao fir socha khi bhai jahnnami ho kar na mar jaye . Tumhe lene ayi hu . Aoo dono bahan bhai nabi ke qadmo ko chum kar jannat ki bhare na loot le ?

Mai hath jodti hu mujhe batao mera nabi to kafir ki beti ko izzat deta hai . Tum ek Adam ki aoulad ek musalman bahan ke sath waqt paas ka rahe ho . Mujhe batao kal ko husain ke nana ne poch liya to kya jwab doge .

Wo kamli wala kafir ki beti ke sar ka duptta girta nhi dekh sakta tum apni musalman bahno ki izzat se khelte ho . 

Wo kali zulfo wala sohna nabi aur un ke sahaba do din do raat ke baad ek na mehram ko bina  dekhe  ghar pahuchate hai tum har waqt apni musalman namehram bahan ko dekhne ke talb gaar ho koi bahan beti road par school college me apne kisi maqsad me apni kisi majboori me kaam par ja rahi hai to tm ek gandi lomdi ki tarah nazro se ise dekh rahe ho 

Mai bhi apna muhasba karo .........aur tum bhi socho......

QURANI MALUMAAT

PART-2

1. Wo kon sa mulk hai jis ka zikr quraan paak me hai? ( Egypt)
2. "Khatemun nabi-e-en " hone ka saboot quraan paak ki kis surat me hai ? (surah ahzab ;ayat no.40)
3. Gazwa-e-khandak ka zikr quraan ki kis surah me hai ? (surah ahzab)
4. Aourto ke parde ke mutallik ahkakmaat kis surah me hai ? (surah ahzab me )
5. Wo kon se sahabi they jinka naam quraan  paak me aya hai (hazrat-e- zaid bin harsa radiallahu anhu)
6. Ummahatul momineen me se quraan paak mukammal kis kis ko yaad tha? (hazrat-e-ayesha siddiqa ,hazrat-e-hafsa , hazrat-e umm-e-salma radiallahu anhunna )
7. Quraan paak me ulma ka lafz kitni baar aya hai? (2 baar )
8. Quraan paak ki kis surat me nabi-e-akram sallalahu alehiwasllam ko '' sirajam muneera'' ke laqab se yaad kiya gya hai? ( surah fatir)
9. Surah ''rahman''' kon se pare me hai ? (27th pare me)
10. Rahman ka lafz quraan paak me kitni martaba aya hai ? (53)
11. Quraan paak ki us surat ka naam bataye jis me jinno ke sath insano ka bhi zikr hai ? (surah rahman)
12. Quraan paak ki kis surat ko zeenat kha gya hai ? (surah rahman)
13. Khuda-e-taala ne kis surat me apni naimato ka zikr kiya hai? (surah rahman)
14. Quraan paak ki sab se chhoti ayat  kon si hai? (Surah rahman me , mudhammatan)
15. Talaq ke bare me zyada msaiel kis surat me hai ? (surah talaq)
16. Kis surah me nabi-e-paak sallallahu alehi wasllam ko muzammil ke naam se khitab kiy agya hai ? (Surah muzammil)
17. Rasool-e-paak sallallahu alehi wasllam ne tableeg ka agaz kis surah se kiya ? (Surah mudassir )
18. Nabi-e-akram sallallahu alehi wasallam par jibreel ameen kitni martaba wahi lekar hazir huye ? (2400 martaba)
19. Qyamat ka zikr kis surah me hai? (Surah qiyamh)
20. Surah gashiya me nabi-e-akram sallallahu alehi wasallam ko kis naam se yaad kiya gya hai? (''Muzakkir'' nasihat karne wala)
21. Quraan paak ki kis surah me lailatul qadar ka zikr hai? (Surah qadar me )
22. Quraan paak kab nazil hua ? (lailatul qadar me ) 
23. Surah feel me kis janwar aur parinde kazikr hai? (hathi (elephant) aur ababeel ka )
24. Quraan paak ki sab se chhoti surah kob si hai? (surah kousar)
25. Surah kousar me nabi-e-akram sallallahu alehi wasallam ko ''kousar'' ki basharat dete huye kin bato ka hukm diya gya hai? (namaz aur qurbani ka)
26. Abu lahab ke lagwi mane kya hai ? ( Aag ka baap )
27. Surah ''lahab'' me abu lahab ke alwah kis ki tbahi ki khabar hai? (abulahab ki biwi aur us ki aoulad ki )
28. Wo koun si surah hai jise 3 baar padhne se mukammak quraan paak ka sawab milta hai? (surah ikhlas ) 
29. Surah ikhlas ka dusra naam bataye ? (surah touheed)
30. Quraan paak me kitne gazwaat ka zikr hai? 
31. Quraan paak me jin 5 buto ka zikr hai unke naam kuya hai? (wood , sawaa, yagoos, yaqooq, aur nasar)
32. Quraan paak me kis ko haram zada kaha gya hai ? (waleed bin mugeera ko)
33. Waleed bin mugeera ne kya jurm kiya ha ? (Nabi akram sallallahu alehi wasallam kishan me gustakhi ki thi)
34. Quraan paak me zulqarnain ka zikr aya hai wo kon they ? (faras ke badshah) (33) Quraan paak ka pahla tarzuma kis zuban me hua ? (farsi)
35. Farsi me tarzuma kisne kiya ? (sheikh saadi ne)
36. Quraan paak ka sabse pahle urdu tarzuma kisne kiya? (Shah rafiuddin ne )               

QURANI MALUMAAT

PART-1

1. Aayat-e-Bismillahhir rahmanir raheem  Quraan e paak me kul kitni jagah maoujood hai ? (114)
2. Quraan paak kise kahte hai ?( Allah taala ki taraf se jo kalam nabi paak sallalahu alehiwassallm  par nazil hui)
3. Quraan paak me pahli wahi kaha nazil hui aur is ke alfaz kya they ?(Gaar e hira me nazil hui , pahli   wahi ke alfaz-  Iqra bisme rabbikal lazi khalaq )
4. Nabi-e kareem sallalahu alehiwassallam par sab se pahle koun se surah nazil hui ? (Surah Alaq  )
5. Quraan paak me kitni surat-e- makki aur kitni madni hai ? (82 makki aur 32 madni hai )
6. Quraan paak me kitne pare hai? (30 pare)
7. Quraan paak me kitne sajde hai ?(14)
8. Quraan paak me kul kitni surate hai? (114)
9. Qurran paak me kul kitne ruqu hai ? (558)
10. Quraan paak me kul kitni aayat hai ? (6236 kanjul imaan )
11. Quraan paak me kul kitne kalmaat hai ? (86430) 
12. Quraan paak me kitne zabar  hai ? (53223)
13. Quraan paak me kitne zer hai ? (39586)
14. Quraan paak me kitne pesh hai ? (8804)
15. Quraan paak me kul kitne nukte hai ? (105684)
16. Quraan paak me kisne tashdeed ,hamza ,aur madd lagaye ?(Khaleel bin Ahmad basari)
17. Quuran paak me kitni madde istemal hui h ? (1071)  
18. Quraan paak me kitni shadde istemal hui h ? (1274)
19. Nabi-e-paak sallalahu alehi wassallam jab hizrat ke liye ghar se rawana huye to kon si surah tilawat farma rahe they ? (surah Yaseen )
20. Wo kon si surah hai jise Quraan ka dil kahte hai ? (surah Yaseen)
21. Quraan paak me Allah taala ke kitne naam aye hai ?  (99) 
22. Quraan paak kis month me nazil hui ? (Ramdan me )
23. Quraan paak kis muqaddas raat me nazil hui ? (Lailatul qadr me)
24. Quraan paak ki sab se badi surah kon se hai ? (surah Baqrah)
25. Quraan paak me kitni manzile hai ? ( 7 )
26. Surah Baqrah me Hazrat-e-Aadam alehissalam ka zikr kitni martba aya hai ? (5 martaba )
27. Surah Baqrah me kitne ambiya ka zikr aya hai ? ( 8 )
28. Quraan paak kis huruf se shuru aur kis par khatm hota hai ?  (Alif se shuru aur Seen par khatm hota hai )
29. Momino tum par roze farz kiye gaye " is ka zikr quran paak ki kis surah me hai ? (Surah Baqrah )
30. Hazrat-e- Jibrail alehissalam ka zikr quraan paak me kitni  jagh aya hai ? ( 3  jagh)
31. Aourat ki shahadat ka waqiya quran paak ki kis ayat me hai ? (surah baqrah  ayat 286)
32. Quraan paak ki taweel (lambi) ayat kon si hai ?  (ayat-al-kursi )
33. Ayat-al- kursi  surah baqrah ki kon siayat hai ? ( ayat no. 255)
34. Ayat-al-kursi quraan ke kis pare me hai ? (3rd  pare me)
35. Sharab na peene ka hukm kis surah me nazil hua ? (surah mayeda)
36. Quran paak ka pahla sajda kis surah me hai? ( surah al araf ke akhri ruku me )
37. Jang-e badar me farishto ki amad ka zikr ki surah mubark me hai? (surah anfal)
38. Maszid zarrar ka zikr quraan paak ki kis surah me hai? (surah touba :ayat no.108)
39. Quraan paak ki kis surah me shahad ki makkhi (honey bee) ka  zikr hai? (surah nahal : ayat no.48 to 49)   
40. Quraan paak me waqya meraj ka zikr kin kin surato me hai ? (surah bani israeel  aur surah najam)
41. Ashab-e-kahaf ka zikr quraan paak ki kis surah me hai? (surah kahaf)  
42. Ashab-e-kahaf kitna arsa gaar (cave) me soye ? (309 year) 
43. Nijashi ke darbar me hazrat-e-jaafar tayyar ne kon si surat ki  tilawat ki ? (surah maryam)  
44. Quarrn paak ki wo koun si surah hai jo ek khatoon ke naam pr   hai? (surah maryam)  
45.  Quraan paak me ambiya ke naam se kitni surate hai ? ( 6 )   
46.  Allah taala ne nabi-e-paak  sallalahu  alehi  wasslam  ko  '' rahmatullil alameen"  ke laqab se kis surat me yaad farmaya hai ?  (surah ambiya me) 
47. Surah noor me kis ummul momineen  ki paak damni ka zikr  hai? ( hazrat ayesha siddiqa radiallahu taala anha)
48. Hazrat-e saleh alehissalam ki utni wala mojza jo mashhoor hai wo kis surat me hai? (surah shora)   
49. Surah qasas me kis paigambar ka tafseel se zikr hai? ( hazrat-e-moosa alehissalam ka )    
50. Quran paak me lukmaan hakeem ka zikr aya hai  wo koun  they? (qoum-e- aad se falsafi  aur hakeem they)

       Part -2

Hazrat Maryam alaihissalam

             Hazrat-e-Maryam alaihissalam  

  Hazrat-e-Maryam alaihissalam kisi ki biwi nhi hai . Ha ek paigamber ki maa hai .

Hazrat-e-Maryam alihissalam ke walid Imran aur Zakarya  dono hum zulf they .Imran ki biwi ka naam Hazrat-e- Hinna tha aur Zakarya alihissalam ki biwi ka Ishaan tha .Imran ki biwi Hazrat-e-Hinna se ek zamana tak aoulad na hui.Yaha tak ki budhapa aa gya aur mayuosi ho gyi .Ye saliheen ka khandan tha aur ye sab log Allah ke maqbool bande they .                                                       Ek roz Hinna ne ek darakht ( tree )ke saye tale ek chidiya (bird) apne   bachche ke sath dekhi to ye dekh kar aap ke dil me aoulad ka shouk  paida hua aur bargahe ilahi me dua ki '' ya rab agar tu mujhe bachcha de to me is ko baitul muqaddas ka khadim banao aur is ki khidmat ke liya hazir karu .Chunancha khuda ne dua sun li aur jab wo hamela hui aur unhone ye nazr maan li to un ke shohar ne farmaya ki tum ne ye kya kiya . Agar ladki ho gyi to woh is qabil kaha hai . Us zamane me ladko ko kidmat-e-baitul muqaddas ke liye diya jata tha . Aur ladkiya is qabil nahi samjhi jati thi . Hamal se pahle Imraan ka intekal ho gya aur Hazrat-e-Hinna ke ha ladki paida hui aur Allah ke fazal se aisi ladki paida hui jo farzand se jayada fazilat rakhne wali thi . Ye sahabzadi hi Hazrat-e- Maryam alihissalam thi aur apne zamane ki aourto me sab se ajmal wa afzal thi. In ka naam Maryam is liye rakhkha gya ki Maryam ka mana ha ''Abidah ''. 

                      (Quraan  kareem , chapter ; 3                                                               tafseer khaza-e-nul irfan  ;page no.80-81)

                Hazrat-e-Maryam Mehraab Me

     Hazrat-e-Hinna ne jo nazr maani thi ,khuda-e-taala ne qubool farma li . Hazrat-e-Hinna ne wiladat ke baad Hazrat-e-Maryam ko ek kapde me lapet kar baitul muqaddas me ahbaar ke samne pesh ka diya .Ye ahbaar Hazrat-e-Haroon aliahissalam ki aoulad me se they .Chuki Hazrat-e-Maryam in ke imam ki dukhtar          ( beti ) thi aur in ka khandan bani israyeel  me bada ouncha khandan tha is liye in sab ne jin ki tadad 27 thi ,  Hazrat-e- Maryam ko lene aur in ka kafeel banne ki ragbat ki .Hazrat Zakarya ne farmaya me chuki Maryam ka khaloo hu , is liye sab se  jyada haqdaar me hu .Mamla is par khatam hua ki quraa dala jaye .Quraa dala , to quraa Hazrat Zakarya ke naam hi nikla aur aap Hazrat Maryam ke kafeel bne .Aap ne fir baitul muqaddas me Hazrat-e-Maryam ke liye mehrab ke paas ek kamra bnaya . Is me aap ko rakhkha  .Hazrat-e- Maryam ki ye karamat thi ki aap ek din me itna badhti thi jitna dusra bachcha saal bhar me badhta hai . Aur aap ne kisi aourat ka doodh bhi nahi piya  balki Hazrat-e-Zakarya  jab kamra band karke ise qafal ( lock )lga kar bahar tashreef le jate aur wapas waha ate to un ke paas rang rang ke be mousam fal moujood pate .Ek roz aap ne ye manzar dekha to pucha ;    ''Ya Maryam anna laki hazihi ''

     Ay   Maryam ! Ye mewe tere paas kaha se aye ?  Aap ne jawab diya ''hua min indillahi '' Wo Allah ke paas se aye hai .

Ye bhi Hazrat-e-Maryam ki kramat thi ki bachpan me aap ne baat sunkar is ka jawab diya aur farmaya ;  Ye be mousam fal Allah ke paas se aya hai .Hazrat-e-Zakarya alaihissalam ne jab ye dekha ki Allah tala Maryam ke paas be mousam fal bhej raha h to farmaya ki jo zaat paak Maryam ko be waqt , be fasal aur bagair sabab ke mewe ata  farmane par qadir hai ,wo beshak is par bhi qadir hai ki meri banjh biwi ko nayi tandurti de aur mujhe budhape ki umar me ummeed khatam ho jane ke baad farzand ata farmaye-                                                                                                ''Huna lika duaa zakariyya rabbahu qala rabbi habli milladunka zurriyatan tayyibah .Innaka sami ud duaa.''

                 ( Quraan kareem ; chapter 3 ; verses 12 )

   ''Yaha pukara Zakarya ne apne rab ko ,bola aye rab  mere mujhe apne paas se de suthri aoulad .Be shak tu hi hai dua sunne wala .''

Chunanch waha mangne ka ye asar hua ki Zibreel ameen hazir huye aur arz kiya ; ''Yu bashsheruka  be yahya ''  Aap ko muzda deta hai Yahya ka .

chunancha muqaddas budhape me aap ko Allah tala ne Yahya alaihissalam ata farmaya .

(Quraan kareem ; chapter 3 ;verses 12,  Ruhul bayan , page no.323)       

                          SABAQ

Karamat-e-aouliya haq hai . Hazrat-e-Maryam alaihissalam bagair kisi aourat ka doodh piye din me itna badhti thi jitna dosra bachcha saal bhar me badhta hai aur aap ke liye saman jannat se ata .Maloom hua ki Allah har cheez par qadir hai . Ye bhi maloom hua ki khuda taala apne makhsoos bando ki khas tarbiyat farmata hai aur ye bhi maloom hua ki jaha kisi Allah ke nek bande ke qadam lag jaye ,is jagah me taseer ho jati hai ki waha jo bhi dua mangi jaye Allah qubool farma leta hai . Isi liye to Hazrat Zakaya alaihissalam ne waha kade hokar dua mangi jaha Maryam baithi thi , goya Hazrat-e-Maryam ke qadmo ki barkat se woh kitta-e-zameen aisa kitta ban gya tha ki waha jo dua mango qubool ho jati thi warna Hazrat-e-Zakarya ne wahi  jagah dua ke liye kyu mutakhib ki .Beshak sari zameen Allah ki zameen h magar us zameen ke baaz hisse kittta-e- paidawar ke haq me mufeed hote hai .Zakarya alaihissalam ne usi jagah dua mangi jaha Hazrat-eMaryam baithi thi . Isi tarha hum jo Data sahab ke mazar par ya azmer shareef ki haziri de kar waha dua mangte hai isi liya ye zameen Allah walo ke qadmo ki barkat se muqaddas ho chuke hai jaha Allah se jo  bhi  dua mangi jaygi , khuda qubool farmayega aur madina munawwara ki haziri naseeb ho jaye to fir kahne hi kya .Woh sar zameen to hai hi jannat , waha jo bhi mango paoge -

                    Mangte ka hath  uthte  hi  data  ki dain thi 

                  Doori  qubool o arz me bas hath bhar  ki  h

             

Hazrat-e-MOOSA alaihissalam Ki Biwi

     Hazrat-e-MOOSA alaihissalam Ki Biwi 

 Hazrat Moosa Alaihissalam ne jab Firon ki mukhalfat shuru ki to Firon ne Hazrat Moosa alaihissalam ko katal kar dene ka hukm diya aur log ap ki tlash me nikle to fironiyo me se ek nek admi ne Moosa alaihissalam ki kher khwahi se inhe mashwra diya ki woh apni jaan bachne ko kahe aur tashreef le jaye . Chunancha aap isi wqat nikal pade aur Madyan ki tarf rukh kar liya , Madyan woh mukam hai jaha hazrat Shoaib alaihissalam tashreef rakhte they . Ye shehar firon ki had wa saltnat se bahar tha . Hazrat Shoaib alaihissalam ka  zariya mash bakriya thi. Aap ki do sahabzadiya thi.  Madyan me ek kua tha .  Moosa alaihissalam pahle is kuye par pahuche . Aap ne dekha ki bahut se log is kuye se pani khichte hai aur apne janwaro ko pani pilate hai aur Hazrat Shoaib alihissalam ki dono ladkiya bhi apni bakariyo ko rok kar wahi khadi hai. Moosa alaihissalam ne in ladkiyo se pocha ki tum apni bakariyu ko pani kyu nhi pilati. Unhone kaha hum se doul khicha nhi jata . Ye log chale jayenge to jo pani houz me bach jayega wo hum apni bakariyo ko pila lengi. Hazrat Moosa alaihissalam ko raham a gya aur paas hi jo dusra kua tha ,jis par ek bahut bada patthar dhaka hua tha aur jis ko bahu se admi milkar hata nhi sakte they , aap ne tanha is ko hata diya aur is me doul kheech kar in ki bakariyou ko pani pila diya . Ghar ja kar dono sahabzadiyo  ne Hazrat Shoaib alihissalam se Moosa alihissala ka ye waqiya bayan kiya to Hazrat Shoaib alihissalam ne apni badi sahabzadi Safwara  se farmaya , jao us mard ko mere paas bula lao. Quran kareem me irshad h 

'''Faja at hu ehda huma tamshi alastehyai'''              Tarjuma '''To un dono me se ek is ke paas ayi sharm se chalti hui .'''

Mufassereen ne likha hai ki apne chahre ko asteen se chupaye huye aur jism ko chupaye huye badi sharm wo haya se chalti hui Hazrat Moosa alaihissalam ke paas ayi aur kaha ki chalye mere walid ne aapko  bulaya hai . Chunanche aap Hazrat  Shoaib alaihissalam ki ziyarat ki niyat se  chal pade aur Safwara se farmaya ki tum mere peche rah kar rasta batati jao .Ye aapne parde ke ehtamam se farmaya aur isi tarah tashreef laye . Jab Hazrat Shoaib alaihissalam ke paas pahuche to aap ke halat sun kar unhone farmaya , ab koi fikar na karo .Ab yahi mere paas raho . Chunanch aap 10 bars  Hazrat Shoaib alaihissalam ke paas rahe aur Hazrat Shoaib alaihissalam ne apni ek sahabzadi ka Moosa alaihissalam se nikah kar diya .

                (Quran kareem ,chapter 20: tafseer  khazaynul irfan , 

                     page no.   547 )

                                  SABAQ  

      Allah ka naam lene walo ki mukhalfat hoti chali ayi hai aur Allak apne naam lewao ki hifazat farmata hai .Ye bhi maloom hua ki Allah ke paigambersare insano se mumtaz wa bala hote hai .Jis wazni paththar ko kai admi milkar hata nhi sakte they ,Moosa alaihissalam ne tanha hata diya .Ye bhi maloom hua ki nek logo ki nek ladkiya Hazrat-e- Safwara ki tarah sharm o hya aur parda aur hizab se chalti hai .Nek log apni ladkiyou ko sharam o hya ka dars dete hai aur inhe khule bando ,nange sar , nange muh bazaro me firne ki izazat nahi dete aur na hi nek ladkiya gairo ki majliso me ja kar be hayai ke sath gair mardo se hath milati hai .Ye bhi maloom hua ki Moosa alaihissalam ne parde ke ehtamam se Hazrat Safwara ko apne piche rah kar chalne ko kaha .Isi tarah aj burka posh aourat apne shohar ke peche peche chalti hai lekin be hizab aur modren biwi age aur is ka shohar biwi ke peche peche calta hai                  

                ''Biwi ghar ki malik o mukhtar hai 

                 aur miya biwi ka tabedar hai'' 

Dushman Khinzeer Wa Bandar Ban Gaye

  Dushman  Khinzeer Wa Bandar Ban Gaye                

Hazrat Imam Musgafri rahmatullah alaih ne sakaat  se nakal kiya h ki hum log teen admi ek sath yaman ja rahe they . Humara ek sathi jo kufi tha wo Hazrat Abubakar Siddiq aur Hzrat Umar radiallahu anhuma ki shaan me bad zubani kar raha tha . Hum log is ko baar baar manah karte they.Magar wo apni is harkat se baaz nahi ata tha. Jab hum log Yaman ke kareeb pahuch gaye aur hum ne is ko namaz-e- fajar ke liye jagaya to wo kahne lga ki mai ne abhi ye khwab dekha hai ki Rasool allah sallahu alaihi wasallam mere sirhane tashreef farma huye aur mujh se farmaya ki'' Ay fasiq ! khuda wand taala ne tujh ko zaleel wa khwar farma diya aur tu isi manzil me mskh ho jayega ''.Is ke baad fouran hi is ke dono pair bandar jaise ho gaye aur thodi der me is ki surat bilkul hi bandar jaisi ho gyi .Hum logo ne namaz-e- fajar ke baad is ko pakad kar oount (camle) ke palaan ke upar rassiyo se jakadkar bandh diya aur waha se rawana huye .Guroob aftab ke waqt jab hum jangal me pahuche to kuch bandar waha jama they .Jab is ne bandaro ke gol ko dekha to rassi tudwa kar bandaro ke gol me shamil ho gya . Hum log hairan ho gye kuch der waha ruk gye taki hum dekh sake ki bandaro ne is ke sath kya kiya  to hum ne dekha ki ye bandro ke paas baitha hua hum logo ki taraf badi hasrat se dekhta tha is ki ankho se ansu jari they  thodi der baad jab sab bandar waha se dosri taraf jane lage to ye bhi un ke sath chala gya .      

                                            ( Shawahidin nabuwah )                                                          ( page no. 153)   

Isi tarah Hazrat imam Musgafri rahmatullah alaih ne ek mard saleh se naqal kiya hai  ki kufa ka ek shakhsh jo Hazrat Abubakar wa Umar radiallahu taala anhuma ko bura bhala kaha karta tha . Har baar hum logo ne isko mana kiya magar wo apni zid par ada raha  tang akar hum ne is ko kah diya ki tum humare qafile se alag ho kar safar karo .Fir wo hum logo se alag ho gya. Jab hum log manzil maqsood par pahuch gye aur kaam pora kar ke watan ki wapsi ka irada kiya to us shakhsh ka gulam hum logo se mila .Jab hum ne us se kaha ki kya tum aur tumhara moula humare qafile ke sath watan jane ka irada rakhte ho ?  Ye sun kar gulam ne kaha ki mere moula ka haal to bahut hi bura hai .Zara aap log mere sath chal kar us ka haal dekh lijiye . Gulam hum logo ko sath le kar ek makan me pahucha wo shakhsh udas ho kar hum logo  se kahne laga ki mujh par bahut badi afaat a gyi h .Fir is ne apni asteen se dono hath ko nikalkar dikhaya to hum log ye dekh kar hairan rah gye ki is ke dono hath khinzeer ke hatho ki tarah ho gye hai.Akhir hum logo ne is par taras kha kar apne qafile me shamil kar liya  lekin dourane safar ek jagah kuch khinzeero ka ek group nazar aya aur ye shakhsh bilkul hi naghani mskh ho kar admi se khinzeer ban gya aur khinzeero ke sath mil kar dorne bhagne lga .Mazburan hum log is ke gulam aur saman ko apne sath kufa tak laye .                                                                                    (Shawahidin nabuwah)                                                             ( Page no. 154)

 

Dariya-e-Neel Ke Naam Khat

                     DARIYA KE NAAM KHAT               

 Amirul momineen hazrat Umar Farooq radiallahu anhu ke doure khilafat me ek martaba Misar ka dariya khushak ho gya . Misri bashindo ne misar ke governerUmar bin Aas radiallahu anhu se faryad ki aur ye kaha ki misr ki tamam tar paidawar ka daro madar isi dariya-e-neel ke pani par hai .Ayameer !  ab tak hamara ye dastoor raha h ki jab kabhi bhi ye dariya sookh jata tha to hum log ek khoobsurat kawari ladki ko is dariya me zindz dafan kar ke dariya ki bheint chdhaya karte they . To ye dariya jari ho jaya karta tha .Ab hum kya kre ? Governer ne jawab diya ki  Arrahmanur rahimeen aur Rahmatul lil alameen ka rahmat bhra deen humra islam hargiz hargiz kabhi bhi is be rahmi aur zalimana faal ki izazat nahi de sakta lehaza tum log intezar karo . Me darbare khilafat me khat likh kar dariyaft karta hu . Waha se hukm milega hum us par amal karenge .

        Ek kasid governer ka khat lekar madina munawwara darbare khilafat me hazir hua .Amirul momineen ne governer ka khat padh kar dariya-e- neel ke naam ek khat tahreer farmaya jis ka mazmoon ye tha ki 

       ''Ay dariya-e- neel !  agar tu khud ba khud jari hua karta tha to hum ko teri koi jaroorat nahi hai aur agar Allah ke hukm se jari hota tha to fir Allah ke hukm se jari ho ja ''

Amirul momineen ne  is khat ko kasid ke hawala kiya aur farmaya aur hukm diya ki mere is khat ko dariya-e-neel me dafan kar diya jaye  . Aap ke farmaan ke mutabik governer misr ne is khat ko dariya-e-neel ke khushak yani (sukhe)  rait me dafan kar diya . Khuda ki shaan ki jaise hi amirul momineen ka khat dariya me dafan kiya ghya .Fouran hi dariya jari ho gya aur is ke baad fir kabhi khushk nhi hua .

                                    TABSIRAH

     Is rawayat se ye maloom hua ki jis tarah hawa par amirul momineen hazrat Umar radiallahu anhu ki hukumat thi isi tarah pani par bhi aap ki kamrani ka pacham lehra raha tha aur dariyao ki rawani bhi aap ki farma bardar-o-khidmat guzar thi .                                                         Ameen 

                             

NAARA-E- TAQBEER KA WAKIYA

            NAARA-E- TAQBEER SE ZALZALA 

Jang-e-qadsiya me fateh hasil ho jane ke baad hazrat saad bin abi waqqas radiallahu anhu ne''hams'' par chadayi ki . Ye romiyo ka bahut hi majboot qila tha . Qaisar-e-rome ne is shehar ki hifazat ke liye ek bahut hi jabardast fouj bheji thi. Magar jab hazrat saad bin abi waqqas radiallahu anhu is shehar ke kareeb pahuche to aap ne apne lashkar ko hukam farmaya- ''La Ilaha Ilallahu Wallahu Akabar''      ka buland awaz se nara mare .Jab puri fouj ne ek sath naara mara to is shehar me is jor ka zalzla a gya ki tamam imarate hilne lagi .Fir dosri martaba naara mara to kile ki diware girne lagi aour rome ki foujo par aisi dehshat warid ho gyi ki wo hathiyar bhi na utha saki .Balki kaseer raqam batour hadiya de kar romeyou ne musalmano se sulah kar li                                                             TABSIRAH 
Kalma tayyab aur taqbeer ka naara har shaksh lga sakta h  magar tajurba ye ki agar is zamane ke lakho musalman bhi ek sath mil kar naara mare to ghas ka ek patta ar ek tinka bhi nhi hil sakta . Magar sahaba kram ke naara se patthro ki chattano se bane huye mahlat aur qile chknachoor ho kar zameen par bikhar gye .Is se maloom hua ki agar che kalma taqbeer ke alfaz wa mani me to zarra brabar bhi farq nahi h lekin allah walo ki zabano 'awazo aur lehjo me aur hamari zabano 'awazo aur lahzo me zameen o asman ka farq h . Kaha wo allah ke nek aur paak baj bande ? aur kaha ham dilo ke maile aur zabano ke gande ?   Is se pata chalta h ki ek hi ayat 'ek hi dua 'ek allah wala padh de to is ki taseer kuch aur hoti h aur ek gunaho wala padh de to is ki taseer kuch aur hoti h . Dr Mohammad Iqbal ne isi majmoon ki taraf isharah karte huye kya khoob kaha h -             
Parwaz hai dono ki isis ek fiza me 
Kargis ka jaha aur h shaheen ka jaha aur            
 Alfaz o maani  me  tfawat  nhi  lekin 
Mulla ki azan aur mujahid ki azan aur  

 Behar haal is nukta se hargiz hargiz gafil nahi rahna chahiye ki aouliya -e-kiram aur aam insano me bahut bada farq hai '  jo log sirf  5 waqt ki namaz padh aouliya -e-kiram ke sath barabri ka dawa karte firte h . Khuda ki kasam ye log gumrahi ke intne gahre aur is qadar andhere gaar me gir pade hai ki inhe na to toufeeq-e- ilahi ki sidhi mil sakti h na waha tak afatab-e- hidayat ki roshni pahuch sakti h . Allah tala gumraho ke qurb aur in ke makro fareb ke kale jadu se har musalman ko mehfooz akkhe .                                                                                                               AMEEN

                       

Allah Se Mangne Ka Saleeqa

                 ALLAH SE MANGNE KA SALEEQA

 Ek bahut hi gunahgar shaksh haj ada karne gya waha kaba ka gilaf pakadkar bola ;    ilahi is ghar ki ziyzrat ko haj kahte h aur kalma haj me do huruf  hai '' ح '' aur  '' ج''   hai.      ح  se tera huqam aur  ج  se mere jurm murad hai.  Tu apne huqam se mere jurm maaf kar de .                           Awaz ayi !   Ay mere bande tumne kitni umdah munajat ki fir kaho. Wo dobara naye andaz me bola ; Ay mere bakhshish har ay gaffar teri magfirat ka darya gunhagaro ki magfirat wa bakhshish ke liye pur josh h aur teri rahmat ka khazana har ek ke liye khula h   ilahi !  is ghar ki ziyzrat ko haj  kahte h aur haj do huruf se mil kar bna h  ح '' aur ج''.      ح se meri hajat aur  ج se tera judo karam hai .Tu apne judo karam se is miskeen ki hajat puri farma de . Awaz ayi aye mere bande tune kya khoob hamd ki ; fir kaho . Wo fir araz karne laga. Aye khalik-e-kaynat !teri zaat har aib wo nuqs ar kamjori se paak h tune apni afiyat ka parda musalmano pr daal rakha h . Mere rab is ghar ko haj kahte h . Haj ke do huruf h ح ''aur ج ''.    ح''se agar meri hlawt-e-imani aur ج'' se tera jalal murad h . Tu apne jalal ki barkat se is natawa zayeef bande ke imaan ki halawat ko shaitan se mehfooz rakhna .Awaz ayi ''aye mere mukhlis tareen ashiq wa sadiq bande ! tune mere huqam  judu karam aur mere jalal ke twassul se jo kuch talab kiya h tujhe ata farmaya .Hamara to kaam hi mangne wale ka daman bhar dena h ,magar baat to ye h ki koi mange to sahi ,kisi ko mangne ka saleeqa to ata ho .   Aye allah ham jaise gunhagaro ko bhi mangne ka saleeqa aur toufeeq ata farma .                                Ameen.

                       

          

 

 

Habib Bin Malik

 HABIB BIN MALIK

                                                                                     Jab Abu Jahal mardood Huzoor se aziz a gaya aur har mutalba me muh ki khata raha . Aur Huzoor din ba din tarakki farmane lage aur Huzoor ka shariyat bulandi hasil karne laga aur log din ba din Iman lakar zamar-e-muslemeen me ane  lage to tang a kar usne ek khat (Letter) HABIB BIN MALIK ameer SHAAM ko likha. Wo khat ye tha...  

        "Bad salam dua ke Badshah ko maloom ho ki hamare ander ek zabardast hasti zahir hue hai jise hum (apne zaleel waham) me shahir-o-kazzab  jante hai . Wo hame kahta  hai ki ek rab ki ibadat  karo. Aur naye deen ki  hume taleem deta hai aur hamare khudao ko bura kahta hai. Aur jis qadar hum uska mukabla huzzat wa daleel se karte hai utna hi wo hum per galib a raha hai. Garz ki ab tera deen aur tere bap dada ka deen kamzoor ho chala hai. Lehaza jaldi akar usse milo warna agr uski taleem aam ho gayi to fir tu kuch na kar sake ga."
        Is khat ko pad kar HABIB IBN-E- MALIK 12 sawaro ke sath chala aur MAKKA ke zameen per utra . ABU ZAHAL  ne MAKKA me uska istaqbal kiya . Aur kuch hadiya peshkash kiye . HABIB ne ABU ZAHAL  se HUZOOR ke halat daryaft kiye. To ABU ZAHAL ne kaha "Sarkar bni hashim ke logo se unke halat dariyaft farmay" . To sab ne kaha ...
         " Hum unhe bachpan se  sadiq wa ameen jante hai magar jab wo 40 saal ke hue to unhone hamare maboodo(Khuda) ki madammat   shuru kar di aur ek naya deen hamare baap dada ke khilaf zahir kar dala ."                                            
     Garz ki habib ne apne hazb(naukar)  ko hukm diya  ki HUZOOR ko yaha tashreef lane ki darkhwasht kare . Jab Hazab HUZOOR ke darbar me pahucha aur HABIB BIN MALIK ki darkhwash pesh ki HUZOOR tashreef le jane ko amada hue .      Hazrat ABU BAKAR SIDDQUE ne jhubba sharif aur amama sharif pesh kiya . HUZOOR ne phana aur tashrif le chale 
 SIDDIQ bhi HUZOOR  ke sath sath dahine taraf chal rahe the. Aur Hazrat KHATEEZA radiallahu tala anha bhi piche piche aye . HABIB BIN MALIK ne HUZOOR ko zalwa afroz hote hue dekha to fauran tazeem ke liye khada ho gaya . Jab HUZOOR masnad per tashreef farma ho gay to HABIB ne HUZOOR ka chara-e-anwar dekha aur uske dil per HUZOOR ki haibat is kadar galib hue ki zaban band ho gai . Thodi der bad HABIB bola...  
      '''HUZOOR aap ko maloom hoga ki tamam  nabi kuch na kuch moazazat  laye they. Aap ke paas bhi koi moazazah h.
HUZOOR ne farmaya  aye HABIB tamam ambiya  to makhsoos moazazat laye they magar ham kisi khas moazazah ke sath nhi aye balki jo tu chahe wo moazazah hum zahir farma sakte h . 
   HABIB ne jawab sun kar bade gor ke baad wo moazazah talab kiya jo kisi nabi se zahir na hua tha . Arz krne lga ...
     Me ye chahta hu ki abhi suraz doob jaye aur chand nikale fir use aap zameen pr utare aur us ke do tukde kre . Fir woh asman pr jakr roshan ho jaye . Fir uske baad suraz  wapas aye .  
    HUZOOR  ne is mutalba ko nihayt be prwahi se suna aur HABIB se farmaya  '' Agar hum ne aisa kr diya to kiya tu fir imaan le ayega .  HABIB ne dekha ki itne sakht mutalba par bila kisi uzr ke amadgi ka izhaar farma rahe h .  To ek do apni khas arz bhi kyu na arz kar lu . Bola ... Beshak  lekin  ek shart ar ye h ki jo mere dil me h uski bhi khush khabri sunayi jaye . 
    HUZOOR zabzl abi qais par tashreef le gye aur do rakat abdiyat ada farmaya aur dua ki  ki ZIBREEL AMEEN hazir huye ar HUZOOR ko bashart di  ki HUZOOR ALLAH TAALA  ne aap ke liye suraz  chand   raat  din aapke liye bnaye h aur HABIB BIN MALIK ki ek ladki h , jis ke na haath hai na pair na ankh na  kaan use bashart dijiye ki ALLAH TAALA ne teri ladki ke haath pair sab ata farma diye hai .
    Jab huzoor pahad se neeche utre aur ZIBREEL AMEEN hwa me huzoor ke huqam ke muntazir they aur malayka saf basta is shan ka tmasha dekh rahe they ki HUZOOR sallaho taala alihi wasallam  ne apni shahadt ki ungli ka isharah suraz ki taraf kiya woh apni jagah se hila aur gayab ho gya aur sakht zulmat fail gyi aur itne me chand nikla aur  HUZOOR ne us ki taraf isharah farmaya to chand bhi hilne lga , yaha tak ki zameen ki taraf aya .HUZOOR ne uske do tukde keye . Phir suraj tulu hua aur usi halat par aa gaya. HABIB ne arz kliya HUZOOR ek shart abhi baki hai .HUZOOR ne farmaya .....Teri beti jo bimar hai ALLAH TAALA ne uske aaza wapas lauta deye hai . Ye sun kar HABIB BIN MALIK ne khade ho kar kha ....Ae ahle makkah ab kufr islam ke baad nahi rah sakta suno me gawahi deta hun ke koi  mabood nahi magar ALLAH aur MOHAMMAD sallal lahu taala alihi wasallam iske khas bande aur RASOOL hai .Ye sun kar abu Jehel jal gaya ar kehne laga HABIB is jadu bhari nighah ka tu bhi shikar ho gaya. HABIB ne iska jawab khamoshi se diya aur yha se khush ho kar apne mulk Shaam chala gaya. Jab mahal me dakhil hua to uski wahi beti samne aai aur keh rahi thi...                                                                                                           '''Ashhadu anla lailaha ilallahu wa anna mohammadan abduhu wa rasooluhu''''                                                                                  HABIB kehne laga beti tune ye kha se jana .Usne kha khwab me kisi ne mujhe kha ki tera baap islam le aya hai agar tu bhi musalmaan  ho jaye  to abhi tere  aza  tujhe mil jaye . Turant musalmaan hui  ar subh is haal me thi  jaisa ki aap mujhe dekh rahe hai.                                               SUBHAN ALLAH