KAZA-E-UMRI

NAMAZ, ROZA, ZAKAAT, AUR  HAJJ  KI  KAZA  KA  TAREEKA

Awal to har musalman maa baap par farz hai ki apni aoulad ki tarbiyart is tarah kare ki bachpan se hi balig hone tak tamam aisi bato ka ilm ho jaye jin ke mutalliq in se akhirat me hisab kitab hona hai . Aur agar in ko moka na mila ho ya kotahi hui ho to har musalman balig aaqil mard aur aourat ke liye itna ilm hasil karna farz hai jis se isko akhirat me pachtana na pade ki  wha koi uzr qubol na hoga . Shariyat ne nafa nuksan ki har baat btla di hai koi jaroori baat bhi nhi chodi hai. Islami talimaat roz e roshan ki tarah wajeh hai . Behar haal agar balig hone ke baad islaah aur deen par amal karne ka khayal aya hai chahe bujugo ki sohabat se ya un ke malfozat padh kar ya sun kar to islam me mayoosi bilkul nhi hai . Ab nek amal karna shuru kr de aur shariyat ne bhi batla diya hai ki kya cheez pahle karni chahiye kya cheez baad me eg. sabse pahle farz fir wajibat fir sunnat e moukidah fir gair moukidah fir mustahibaat wa nafil fir jayaz kaam . Aur isi tarah sab kaam se pahle bachne ki cheeze haram fir makrooh e tahreeme fir makrooh e tanzihi fir be fayeda kaam wagairah. Isi tarteeb se kaam me lag jaye 

Jab shaitaan ke aur harbe nakaam ho jate hai to zyadah aham ibadat se kam aham ki taraf lga deta hai jaise bajay kaza namaze ada karne ke naflo aur tahajjud par lgane ki koshish karta hai .Musalmano ko isse khabardaar rahna chahiye . Aur ye maloom hona chahiye ki kon sa kaam pahle kare ka hai aur kao sa baad me warna nuksaan uthana padega . Agar gaflat ya la ilmi ki wajah se kuch farz kaam jaise ki namaz, roza ,zakat wagairah choot gaye hai to ab roz farz ada karne ke sath sath chote huye farz aur wajeebat ada karna farz hai. Aur ye ada karna huqooq Allah aur huqooq ul ibaad me bhi shamil hai. Huqooq Allah jaise namaz, roza, zakat, hajj wagairah aur huqoo ul ibaad jaise walidain ki itaat , padosiyo aur aam musalmano ki jaan o maal ke huqooq jaise kisi ka maal chori kiya hai ya wirasat me inka hissa nhi diya wagairah. 

Inme huqooq Allah is liye muqaddam hai ki ye har kisi ko ada karne hote hai jaise namaz 5 waqt har roz hai . Aur huqooq ul ibaad me tafseel hai . Jab akela hai to sirf apne jism ke huqooq . Biwi agyi to uske huqooq . Bacche ho gye to huqooq aur badh gye . Agar aisi jagah rahta hai jaha padosi hai to unke huqooq bhi badh gye . Jab  ye baate samjh me agyi  to huqooq Allah me sab se pahle namaz ki kaza ka tareeka maloom kar le ki sab se zyadah wasta isi se padta hai. 

           KAZA  NAMAZO  KE HISAB  KA  TAREEKA 

Jab se balig hua hai ki agar koi alamat zahir na ho to mard aur aourat me balig hone ki umar 15 saal hai to ek dfa khoob soche aur gour o fikr kr le ki ab tak meri kitni namaze kaza hui hongi. Un me safar ki nmaze jo kasar padhni thi unko alag kr le ya behoshi ki wajah se rah gyi thi un ko chod de  aur aourte wo nmaze bhi shumar na kare jo itne saalo me haiz wa nifas ki wjah se nhi padhni thi . Kisi shak ki soorat me ulma se maloom kr le .

Kuch logo ka khayal hai ki harmain shareefain me ya ramzan ke akhiri juma me sirf ek roz ki namaz padh lene se tamam namazo ka badal ho gya . Ye khayal galat hai is se sirf ek din ki namaze ada hongi poori kaza shuda namaz mukammal karni farz hai

Kaza namaze koi dusre ki taraf se ada nahi kr sakta . Nafal padh ke kisi ko sawab pahuchana theek hai pahuch jata hai lekin koi kisi ki taraf se farz kaza ada namaz nhi padh sakta khud padhni lazim hai ha marte waqt koi namaz baqi rah jaye to unka fidya dene ki wasiyat kar de ki marhoom ka kafan dafan ka kharcha aur qarz ada karke jo maal bache is me se ek tihayi me wasiyat jari ho sakti hai jo wariso par poora karna lazim hai is se zyada me nahi ha sab ya kuch balig waris apni dili razamandi se ada kar de ki is me nabalig wariso ka maal shamil na ho to fidya de sakte hai ye marhoom ke liye ahsan hoga aur akhirat ke azab se bach jayega . Agar koi gareeb admi kholoos dil se kaza namaze ada karne lag jaye to inshaAllah gaib se Allah koi sabab paida kar dege ya waise hi maaf farma denge ki akhirat me poch na ho.

To kaza namazo me lag jaye aur nafil padhne ke bajaye kaza namazo ke farz aur witir jitni jaldi ho sake poora karne ki koshish kre .

             SAJDAH  TILAWAT  KI  KAZA

Quran paak me kul 14 sajde hai jo karne wajib hai aksar inki adayegi me gaflat ho jati hai . Iski asan soorat ye hai ki gour o fikr karke kul kitne sajde ada nhi kiye honge .Namaz ke sath gair makrooh wqat me teen sajde , sajdae tilawat ki niyat se kar liya kre . Sajda e tilawat bhi namaz , rozah ki tarah koi aur iski taraf se ada nhi kr sakta . Khud sajdah kre ya marte waqt fidya dene ki wasiyat kre . Ek sajda e tilawat ka fidya ek namaz ke barabar hai . Ek bar fir zehan nasheen kar le ki islam me mayoosi bilkul nahi hai. 

               KAZA  ROZO  KA  HISAB

Kaza namazo ki adayegi ke sath sath dusri zarori aur badi ibadat kaza rozo ki hai. Is ka bhi gour fikr kar ke kul kaza rozo ka shumaar kar le . 33 shamsi ya angrezi saal 34 qamri ya islami saalo ke brabar hote hai . Safar me agar koi roze chode ho to unki kaza lazim hai aur aourat ke koi roze haiz aur nifas ki wjah se chode ho to unki bhi kaza lazim hai . To kaza roze bhi jaha tk ho sake jald se jald pore karne ki koshish kare . Mout ke waqt agar koi roze rah gaye ho to un ka fidya ada karne ki wasiyat karna wazib hai aur ye bhi khayal rahe ki roze kaza hone ke baad fidya dena hai pahle nahi . Kuch log ramzan ke shuru me pore mahine ka fidya de dete hai agar aisa kiya hai to wo nafli sadqa ho jayega . Kaza rozo ka fidya kaza hone ke baad fir de .

              KAZA  ZAKAAT   KA  HISAAB

Gour o fikr kar ke hisaab kar le ki kitne saalo ki zakaat ada nahi ki hai aur in saalo me andazan kitni zyada se zyada zakaat banti hogi. Yaha bhi khayal kar le ki 33 angrezi saal 34 islami saalo ke brabar hote hai . Astrology ke hisab se 33 angrezi saalo ke 12053 din bante hai aur 34 islami saalo ke 12049 din bante hai. Jaha tak ho gunjaish ho sake chahe thodi thodi karke zakat ada karne ki koshish kre . Agar kuch rah jaye to mout ke waqt itni raqam ki wasiyat kar de . Mayoos kabhi na ho . Yaha is baat ka bhi khayal kre ki zameen ki paidawaar par bhi daswa ya biswa hissa zakaat ada karni hoti hai . Yani ushr ya nisf ushr . Paidawar chahe kam ho ya zyada . Yaha sone chandi ki tarah koi nisab nhi hai . Isi tarh kuch janwar jinhe saima kahte hai in par bhi zakaat hoti hai . Ulma se daryaft kar le kah daswa ya biswa hissa dena hota hai aur kon se janwar saima kahlate hai aur in ki kitni tadad hone par kitni zakaat banti hai 

                 KAZA  HAJJ  KA  BAYAN

Agar zindagi me itni raqam thi aur dusri sharate  bhi pori karta tha . Aur hajj nhi kiya to ab jaldi se jaldi ada karne ki koshish kre aur agar ab gareeb ho gya hai to niyat rakhe ki jaise hi itna maal a jayega to fouran hajj karunga . Agar budhapa ya bimari wagairah ki wajh se khud nhi ja sakta to hajj e badal karwale . Warna marte waqt is ki wasiyat kar jaye . 

HUM KOUN HAI ??

 

HUM KOUN HAI ??

Humare bare me mulk-e-shaam ke bagaat se pucho….

Iraq aur is ke nakhlistano se pucho,

Misr aur is ki wadiyon se pucho,

Aljazaer aur is ke jangalaat se pucho…

Africa ke registaan aur Iran ke sabza-zaron se pocho……

Pocho Rus (Russia) ki barfani chotiyon se….

Pucho France ke dariyaaon se ….

Pucho Yugoslavia aur Romania ke paniyou se ….

Balki asmaan ke neeche basne wali  har makhlooq se pucho.

 

In sab ke paas hai humari shujaat, isaar, qurbaani, ilm aur fun adaalat wa sharafat ki khabre.

 

HUM MUSALMAN HAI !

Humare siwa koun tha jis ne sharafat ke baago ko apne khoon se seencha ho. Duniya me hum se zyada koi shareef, meharbaan aur shafeeq, aala aur Afzal kahi dekha hai? Hum ne jehalat ke andhero me hidayat ki shama roshan kar ke logo ko btaya ki rah-e-hidayat ye hai.

Hum ne us dour me adal kiya jab duniya zulm o sitam se bhari hui thi! Hum ne us dour me ilm failaya jb duniya jihalat me doobi hui thi.  Hum ne us dour me logo ko masawat(barabari) ka daras diya jab log shaho ko pojte they .Hum ne imaan se dilon ko, ilm se aqlo ko aur azadi se gulamon ko mamoor kar diya.

Hum ne Koofa, Basra aur Baghdad bnaya. Hum ne Spain aur Shaam, Iraq aur Misr ko tahzeeb sikhayi.

Hum ne Nizamiya, Qurtaba aur Al-Azhar jaisi university bnayi.  Hum ne jam-e-umwi Sakhrah jaisi ibadat gaahe , Sanrah , Zahra ,aur Humbrah jaise mahelat bnaye . Hum ne ahl-e-duniya ko taleem di. Hum ustad huye aur baki qoum shagird….

Hum me Abubakar Siddique (RA) aur Umar Farooq (RA) Nooruddin (Ruh) aur Salahuddin Ayyubi (Ruh), Umar bin Abdul Aziz (Ruh) aur Aurangzaib Alamgeer (Ruh) jaise hukmaran paida huye.Hum me Khalid (RA), Tariq (Ruh) Muhammad bin Qasim (Ruh) aur Alp Arsalan (Ruh) jaise general paida huye . Hum me Imam Bukhari (Ruh) aur Tabri (Ruh), Ibn-e-Taimiya (Ruh) aur Ibn-e-Qayyam(Ruh) , Ibn-e-Hazam (Ruh) aur Ibn-e-Khaldoon(Ruh) jaise aalim paida huye .Hum me Imam Gazali (Ruh) , Ibn-e-Seena aur Zaari(Ruh) jaise falsafi(philosopher) paida huye. Hum me Abu Tammam , Mutannabi , Jarir , Firzoq , Abu-al-Atahiya jaise shayar paida huye . Hum me Maabud aur Ishaq , Zaryab ,aur Malik jaise khush glu paida huye.   

Humare aksar hukmaran khilafat-e-insaniyat ki ala misaal they

   Humare tamam qa-e-ideen aur sipah salars, Allah ki talwaar they

Humari quwat, imaan se hai .Humari izzat deen se hai. Humar twakkal rab pr hai. Humara qanoon quran hai. Humare imam Saidul Ambiya sallahu alehi wasllam hai.

Humara amirul mumineen humar a khadim hai. Humara kamjor haqdar takatwar hai. Humara taktwar gareebo ka maoon hai. Hum sab bhai bhai hain aur islam ki ru se sab brabar hai.

Hum hukmaran bane to adl kiya, fateh bane to mulk bsaye, hum taqtwar insaf pasand they, hum ne jung me shafqat o meharbani ki qanoon bnaye aur aman me adl apnaya. Hum behtareen hukmaran they aur fateheen ke sardar they. Humari tehzeeb srapa rahmat thi , wo badan aur rooh ki pakizgi thi, fazilat aur karamat thi, is se logo ko  faida mila ahle zameen ko saya mila, hum ne ise khoon pilaya aur shohda ki qurbaniyou par is ki buniyaad rakhi. Batao wo kon si jagah hai  jaha islam aur salamti, imaan aur aman ki khatir hmare shohda dafan na ho.

Jab hum sirf Allah ke liye chalte they, rukte they, khade hote they, baithte they, jate they, ate they.

Hum takwa ki salik me piroye huye hai , Khoon juda juda  hai . Hum aqeeda ki wajah se ikttahe hai lekin zuban juda juda hai . Hum Kaaba ki wajah se hum qibla hone pr ek hai mulk juda juda hai.

Kya hum har roz 5 martba Kaaba ki taraf muh nhi krte ? Kya hum har saal Arafat me ikattha nhi hote? Islam ka markaz hijaz hai. Allah ka rasool sallalhu alehiwasllam hmare imam hai aur quran humari kitab hai…….

Hum kamzor aur zaleel nhi, humare sath Allah hai. Hum har roz 5 waqt ki azan sunte hai. Shujaat hmari khosusiyat hai. Isaar ka khoon  humari rago me hai . Humare paas Allah ki diya hua sb kuch hai .

Wo zameen humari hi  hai jaha quran pdha jata hai aur minaro se azan ki awaz ati hai ALLAHU AKBAR , ALLAHU AKBAR .Kash hum sahi mano me musalman ban jaye to fateh wa kamrani aur jahan bani humara muqaddar ban jaye ….. Ameen 

INME SE APKA DIL KAUN SA HAI

Duniya me 13 qism ke dil hai aiye ek nazar me dekhte hai ki quraan inki iqsaam kaise bayan karta hai . Aap in 13 iqsaam ko apne samne rakhhe aur apne dil ko tatool kar bataye aap kis qism se talluq rakhte hai??? 

1- Qalb e Saleem (Surah -Shuara:89)

ALLAH subhanahu taala ki nazar me 1st dil qalb e saleem hai, ye wo dil (log) hai jo kufar, nafaq aur gandagi se paak hote hai. Qalb e saleem ke malik log zehni aur jismani gangadi bhi nhi failate aur dusro ko bhi nafaq aur kufr se paak rahte haiaur dusro ko bhi in se bacha kar rakhte hai, ALLAH subhanahu taala ko ye dil log acche lagte hai. 

2- Qalb e Muneeb (Surah-Qaaf:33)

 2nd dil qalb e Muneeb hota hai, ye wo dil (log) hai jo ALLAH subhanahu taala se tuba rahte hai aur is ki itaat me masroof rahte hai, aap ko zindagi me beshumaar aise log milenge jo sar tak ALLAH subhanahu taala ki itaat me gum rahte hai, in logo ki wahid nishani tuba hoti hai, ye ALLAH se har waqt muaafi aur tuba ke khwahish-mand rahte hai, ALLAH subhanhu taala muneeb logo ko bhi pasand karta hai.

3- Qalb e Makhbat (Surah-Hajj:54)

3rd dil qalb e makhbat hai , ye wo dil (log) hai jo jhuke huye, mutmaeen aur pur sukoon hote hai, me zindagi me ajiz logo ko mutmaeen aur pur sukoon paya, aap bhi agar sukoon aur itmenan chahte hai to aap bhi ajizi akhtiyar kar le aap ko sukoon ki dawa nahi khana padega. Ajizi wo wahid ibadat hai jis ke bare me rasool allah sallahu alehi wasallam farmaya tha ""Jo koi bhi ALLAH ke liye jhukta hai (ajizi akhtiyar karta hai) ALLAH is ko buland kar deta hai"" ALLAH ko makhbat dil bhi bahut pasand hai.

4-Qalb e Wajal (Surah-Al Muminun:60) 

4rth dil qalb wazal hai ye woh dil hai jo neki ke baad bhi ye soch  kar darte rehte hai ki maloom nhi ALLAH subhanahu talah humari ye neki qabool kare ya na kare ye log har lamha ALLAH  ke azab se bhi darte rahte hai ki maloom nahi ALLAH humari ye neki kare ya na kare , ye bunyadi taur par tareekh par gahri nazar rakhne wale log hote hai, ye jante hai ALLAH ne ambiya ko bhi galtiyo ki saza de thi, hum kis khet ki moli hai jabki ye apni badi se badi neki ko bhi haqeer samjhte hai, ALLAH ko ye dil log bhi pasand hai.

5-Qalb e Taqi (Surah-Al Hajj:32)

5th dil qalb e taqi hai, ye wo dil(log) hai jo shayer ki taazeem karte . Hum me se be shumaar aise log hai jo shayer khudawandi par mukammal amal nahi kar pate jabkiye in shayer ki ibadat ki tarah tazeem karte hai . Ye agar kisi majbori se ibadat na kar sake to bhi ye roza daaro ke samne khate peete nhi hai aur ye namaz aur azan ke wqat khamoshi akhtiyar karte hai ,ALLAH ko ye log bhi pasand hai.

6-Qalb e Mahdi (Surah-Al Tagabun:11)

6th dil qalbe mahdi hai, ye wo dil (log) hai jo ALLAH ke faislo per bhi razi rahte hai aur ye ALLAH ke ahkamaat ko bhi bakhushi qubol kar lete hai. Aap ne aise log dekhe honge jo har bure waqye ke baad kahte hai jo ALLAH ki marzi ,jo ALLAH chahe , ALLAH taala ko ye log bhi pasand hai. Maine zindagi me kabhi aise logo ko khasare me nahi dekha , ALLAH subhanahu taala hamesha un ke liye burayi se achhayi nikalta hai , log inke liye shar (nuksan) krte hailekin ALLAH khair (fayeda) nikal deta hai.

7-Qalb e Mutmain (Surah-Rad:28)

7th dil qalb e mutmain hai , ye wo dil (log) hote hai jin ko ALAH ki tuheed aur zikr se sukoon milta hai , qalb e mutmain bunyaadi tour par sirf aur sirf ALLAH par yaqeen rakhta hai, ye din raat ALLAH ka zikr (tasbehaat)bhi krta rahta hai , tasbehaat krne wale log waqyi mutmain aur khush rahte hai , aap bhi agar malal se bachna chahte hai to aap bhi tasbeeh shuru kar de , aap ka dil itmenan aur khushi se bhar jayega , darood sharif aur la hula wla qowta illa billah behtareen tasbehaat hai . Aap in ko mamool bna le , ALLAH ko ye log bhi pasand hai.

8-Qalb e Hayii (Surah-Qaaf:37) 

8th dil qalb e hayii hai, ye wo dil (log) hai jo ALLAH ki nafarman qumo ka anzam sun kar un se ibrat aur naseehat hasil karte hai. Hum me se jo log kam tolne, jhoot bolne, shirk, kufar aur takabbur karne, burayi ko failane, aur bachho aur aurto janwaro par zulm karne walo ka anzam sun kar aur dekh kar toba kar lete hai aur apni zindagiya in gunaho se paak kar lete hai ALLAH ki nazar me wo log qalb e hayyi hote hai aur ALLAH inhe bhi pasand krta hai. 

9-Qalb e Mareez (Surah-Ahzab:32)

9th dil qalb e mareez hai, ye wo dil (log) hai jo shak , badakhlaqi ,hawas aur lalach ka shikar hote hai , hum log lalach hawas badakhlaqi aur shak ko aadate samjhte hai jab ki haqeeqat me rooh ar dimag ki bimariya hai aur jo log in bimariyo ka shikar ho jate hai wo azeyat naak zindagi gujarte hai ALLAH in log aur in ke dilo ko mareez samjhta hai ,mera dawa hai aap apni zindagi me sirf shak ka marz paal le aap chand saalo me heart , lungs , kidney , aur jism ki kai dardo ki dawai khane par majboor ho jayege  aur aap bas shak ki aadat tark (chor)  de aap ki dawaiya kam hone lagegi , azmaish shart hai.

10-Qalb e Al Aama (Surah Hajj:46)

10th dil qalb e al aama hai, ye wo dil (log) hai jo dekhte hai aur na sunte hai, ye be has log hote hai . ALLAH subhanahu taala inhe andhe, behre log samjhta hai aur momino ko huqm deta hai tum bas inhe salam karo aur age nikal jao , ye bunyaadi tour par wo log hote hai jin se qudrat bhi mayoos ho jati hai , jab bhi aur jaha bhi ye log mile insr fouran karda aur nakrda gunaho ko muafi mange aur age chal pade , yakeen kijiye zindagi me bahut sukoon hoga aur jab bhi aap inhe samjhane ki koshish karenge aap ka BP(blood pressure) badh jayega , aap bhi ALLAH ki naseehat par amal kare , inhe salam kare aur age nikal jaye. 

11-Qalb e Al Lahyi (Surah Hajj:3)

11th dil qalb e al lahyi hai ye wo dil hai jo Quraanse gafil aur duniya ki ranginiyo me magan hai ALLAH in gafil logo ko bhi pasand nhi karta aur ye bhi bila aakhir ibrat ka nishan ban jate hai .

12-Qalb e AL Asam (Surah Al Baqrah:283)

12th dil qalb e al asam hai  ye wo log hai jo haq par pardah dalte hai aur gawahi chupate hai , aap tareekh aap padh le aap gawahi chupane aur haq par pardah dalne wale mushro aur logo ko tabahhote denkhege , ALLAH ko ye log bhi pasand nahi .

13-Qalb e Mutakabbir (Surah Al Momin:35)

13th aur akhri dil mutakabbir hote hai , ye log takabbur aur sarkshi me mubtila hote hai aur ye apni deendari ko bhi ghamand bna lete hai, ye zulmaur jarjiyat ka shikar ho jate hai , akabar ALLAH ka wasf hai ,ALLAH ye wasf kisi insaan ke paas bardasht nhi karta hai  chahe maashra ho, mulk ho ya fir log ho tareekh gawah hai ye firon aur namrood ki tarah ibrat ka nishan ban jate hai , duniya me aj tak kisi magroor  shaksh ko izzat naseeb nahi hui , wo akhir me ruswyi aur zillat tak pahuch kar rah , ALLAH ko ye dil bhi nahi pasand.

MATURITY  KYA  HAI ?

Maturity kise kahte hai ???

Maturity kya hai ???

Maturity kisi insaan me kis waqt aaati hai ???

Maturity ka ek level ye hota hai ki aap wzahat dena chod dete hai aur khamosh ho jate hai , bahas nhi karte  agr koi aapko bura bhla bhi kah de to ye kah kr muskura kar aage badh jate hai ki ""Yes I'm"" iska matlab ye nhi hota ki aap sach me waise hi hote hai fark sirf ye hai ki wo baat apke liye ahmiyat hi nhi rakhti. 

Yaad rakhhe....

Gaadi ke peeche kuch fasle tak hi kutta bhonkta hai aur doudta rahta hai, na hi kutta aap se gaadi chhinna chahta hai , na gaadi me baithna chahta hai aur na hi use gaadi chalani ati hai.

(Aap me se aksar ne ye tajurba kiya hoga ki kutte se peecha chudane ke liye jaise hi aap ne gaadi roki to kutta furan peeche ki janib bhag jata hai magar kutte ko bhagane ke liye aapko gaadi rok kar kuch lamhe ke liye apna waqt barbaad krna padta hai.) Kuch log gaadi nhi rokte inhe maloom hai ki kutte ka bhokna to uski adat.

Aise hi zindagi ke safar me jab aap apni manzil ki taraf aage badh rhe hote hai to kuch aisi adat ke log bina kisi maqsad ke aapki raah me rukawat paida karne ki koshish krte hai...

Is liye jab aap apni manzil par aage badh rahe ho aur log aapki raah me rukawate dalne ki koshish kre to inse uljhne ke bajaye aapni manzil ki taraf aage badhte rahe. 

Yaad rakhe,

Aap ko talkh nhi hona hai,

Aap ko badla lene wala nhi banna,

Aap ko chaale chalne wala, jaal bichane wala bhi nhi banna,

Aap ko aisa bhi nhi hona ki aap shatir kahlaye

aur aisa bhi nhi karna ki aap ghadhe khode.

Aap ko jakham lage hai, dil par aur rooh par bhi lekin inke liye aapko marham badla le kar tayyar na kre. Marham aasmani hi acche hote hai , marham rahmani hi shifa dete hai.Chor de jo hua , jaane de jisne jo kiya. Apne peeche darwaze band karke aage badh jaye. Jakham dene walo ko, taqleef dene walo ko, rooh ko rond dene walo ko un ke haal par chor kar apna haal theek kare . kyuki aap ko wo nhi banna jo halat apko bna rahe hai .Aap ko wo banna hai o amal bnate hai. 

""Rab ka banda banne ki koshish kre ""

Banda e momin..... yani ek behtareen insaan...

Inshaallah kamyabi aap ki muntazar rhegi.   

 ALLAH  SE  JUDNE  KA  SAFAR

Hum tanha kyu hote hai???

Is duniya me koi shakhs itna hi preshan hai jitna is ki nazar me duniya ki ahmiyat hai.  Preshan hai ???logo ke raviye se, muamlaat se, gamgeen hai??? logo ne apko chor diya hai???Pareshan hai ane wala waqt aur bhi mushkil hoga???

Aiye apni therapy khud karte hai.

Kabhi aap sahi hote hai kabhi aap galat hote hai lekin log wahi dekhte hai jo dekhna chahte hai. ALLAH subhanhu taala aap ka dil dekhta hai aur us me mujood taqwa. 

Kabhi aap khta karte hai kabhi aap par iljaam lagaye jate hai log na to khtakaar ko muaaf karte hai aur na hi aap ki sfaaiyo ko samjh pate hai.....

ALLAH subhanahu taala aap ki muafi mangne se pahle hi aap ko muaf kar deta hai wagar na touba ki tufeeq kaise milti?? Is baat ko you samjhe......

Touba to asal me nidamat hai .Jis ghadi aap ke dil me kisi baat se nidamat ayi isi lamhe  ALLAH aapko muaf  kar ke touba ki toufeeq deta hai.....

Aur kabhi you bhi hota hai ki halat ki sakhti aap ko kisi purane gunah ki yaad dilati hai. Jis ki islaah ke kai zmane guzar chuke ho fir aap is gunah ko yaad kar ke rote ho ???Jante ho fir kya hota hai ALLAH us ki jagah nekiya likh deta hai, jitna aap maazi pe tadap tadap kar rote hai aur ALLAH ki taraf neki ke irade se palat te hai aap ki nekiya badhti jati hai .  

Jante hai log aap ko dukh kyu dete  hai ???  Batee  kyu sunate hai??? Dil kyu dukhate hai ??? Kyuki  hum duniya aur duniya ke logo ke beech itne khush aur pur musarrat rahne lagte hai ki hum ALLAH ko bhool jate hai.... Fir kya hota ???ALLAH jo hum sab se zyada mohabbat karta hai hume apni taraf paltne ki "call" deta hai ....

 Hume inhi rishto  se todta hai jin ki mohabbat me hum ALLAH ko bhool jate hai, mukammal taur par nhi lekin kam az kam apni namazo se gafil ho jate hai fir ALLAH jab hume humare apno ke raviyo se azmata hai to humari namaze khushu wali ho jati hai ....Sajde bhi lambe ho jate hai , azkaar bhi badh jate hai to logo ke dukh wale raviye ruju e ilahi ki "call" hoti hai...Jante ho hum logo ke beech rah kar bhi tanha kyu ho jate hai, taaki hum apne rab ko apni tanhayi ka sathi bna le kuch us ki maan le kuch apni manwa le aur us ke ho jaye.  

8  ROOHANI   BAATE

1. Wo ghar jis ke angan se darakht (tree) kaat diya jaye wo ghar kabhi abad nahi rahta. Aap jab bhi kisi ghar ko ujadta dekhe , aap tahkeeq kar ke dekh le us ghar ki barbaadi darakht katne se shuru hui hogi agar aap ke ghar me koi purana darkhat hai to aap use hargiz hargiz na kate, aap ka ghar hamesha abaad rahega . Ye wo haqeekat hai jis ki wajah se aouliya e kiraam pori jindagi darkht lgate aur darkhto ki hifazat karte hai.
2. Jis ghar se parindo (birds) janwaro aur cheuntiyo (ants) ko rizq milta rahe us ghar se kabhi rizq khatm nhi hota . Aap tajurba kar le, aap parindo, billiyo, kutto aur cheuntiyo (ants) ko  khana, dana aur paani dalna shuru kar de aap ke ghar ka kitchen band nhi hoga, aap par rizq ke darwaze khule rahenge.
3. Allah taala garibo me kapde taqseem karne walo ko kabhi be izzat nhi hone deta. Aap agar chahte hai ki aap ke mukhalfeen aap ko be izzat na kar sake to aap gareebo me kapde taqseem karna shuru kr de , khas kar aap gareeb bachchiyo ko libaas aur chadare le kar dena shuru kar de , aap marne ke baad tak ba izzat rahenge. Aap ka bade se bada mukhalif  bhi aap ki beizzati nhi kar sakega .Aap logo ki satar poshi ka bandobast kare ALLAH aap ke nangepan ko dhanp dega .
4. Aap agar apni rah se bhatki hui aulad ko raste par lana chahte hai toaap gareeb bachhiyo ki shdiya kra de . Aap ki aulad nek ho jayegi. Aap tajurba kr ke dekh le. Aap gareeb bachhiyo ki shadi karaye , aap inhe gharo me aabad karaye , aap apni aulad par is ke asraat dekhenge aur ye asraat aap ko hairan kar denge.
5. Aap agar apni zindagi me shukr aur itmenaan lana chahte hai to aap logo ko khana khilana shuru kar de. Aap ka dil itmenan ki nemat se malamal ho jayega. Aap auliya e kiram ki zaat me itmenan nazar ata hai , ye itmenan to twaze ki dain hai , aap bhi mutmaeen ho jayenge. Aap ki zindagi se lalach kam ho jayega.
6. Agar aap sehat mand rahna chahte hai to aap gareebo ka ilaaz karana shuru kar de. Aap ki sehat improve ho jayegi. Aap is ke baad jo bhi dawa khayengewo dusre mareezo ke mukable me aap par jyada asar karegi. Aap jo bhi khurak khayenge wo aap par jyada asar karegi.
7. Aap agar depression ka shikar hai to aap dusro ke liye thande pani ka bandobast kar de , nal lagwade . ya gareeb ke ghar me motor lagwa de ya fir ghar ke samne thande pani ka cooler rakh de , aap ka depression  aag hota hai aur pani har aag ko bujha deta hai.
8. Aap agar taqatwar hona chahte hai to aap sadgi akhtiyar kar le, duniya ka koi firon aap ka muqabla nahi kar sakega. ALLAH TAALA ne sadgi me atomi takat rakhhi hai , sayad isiliye tmam ambiya aur auliya sada thay , chahe firon ho ya namrood ye inki taqat ke samne thehar nhi sake, aap bhi azma le, aap ka bhi koi mukabla nhi kar sakega 
   
   
           

SADQA  KARNE  KE  KUCH  CHOTE  CHOTE  TAREQE

1. Apne kamre ki khidki me ya chhat par parindo ke liye pani ya dana rakhiye .
2. Apni masjid me kuch kursiya rakh dijiye jis par log baith kar namaz padhe .
3. Sardiyo me moje /muflar /topi gali ke jamadaar  ya mulazim ko gift kar dijiye .
4. Garmi me road par kaam karne walo ko pani lekar dijiye .
5. Apni masjid ye kisi jalse me pani pilane ka intezam kijiye .
6. Ek Quraan majeed lekar kisi ko de dijiye ya masjid me rakh dijiye.
7. Kisi majoor ko pahiyo wali kursi le dijiye .
8. Apni pani ki bottle ka bacha kisi podhe me dal dijiye . 
9. Kisi gamgeen ke khushi ki wjah bniye.
10. Logo se muskurakar pesh ayiye aur achhi bat kijiye.
11. Khana parcel krate huye ek jyada le lijiye kisi ko sadqa karne ke liye.
12. Gali muhalle ke mareeez ki eyaadat ko jana apne liye lazim kar lijiye .
13. Hospital jaye to saath wle mareez ke liye bhi kuch lekar jaye .
14. Haisiyat ho to munasib jagah par cooler lagwaye.
15. Zindo par kharch kijiye murdo ke esaal e sawab ke liye .
16. Apne muhalle ki masjid ke coolar ka filter tabdeel kra dijiye .
17. Gali andheri hai to ek bulb  lga dijiye .
18. Masjid ki topiya ghar lakar dho kar wapas rakh ayiye .
19. Ghar ke mulazmeen se shafqat kijiye ,inke tan aur sar dhapiye.
20. Is paigam ko dusro ko bhej kar sadqa khairat par amadah kijiye .

Sadqa ahdees ki roshni me....

1. Burayi se rokna sadqa hai. [Muslim:1007]
2. Neki ka huqam dena sadqa hai. [Muslim :1007]
3. LA ILAHA ILLALLAH  kahna sadqa hai.[Muslim :1007]
4. SUBHAN ALLAH  kahna sadqa hai .[Muslim:1007]
5.  ALHAMDULILLAH  kahna sdqa hai .[Muslim :1007]
6. ALLAH HU AKBAR  kahna sadqa hai .[Muslim:1007]
7. ASTAGFIRULLAH  kahna sadqa hai .[Muslim:1007]
8. Raste se pathhar ,kanta aur haddi htana sadqa hai.[Muslim :1007]
9. Apne doul se kisi bhai ko pani dena sadqa hai .[Tirmizi :1956]
10. Bhatke huye shakhs ko rasta btana sadqa hai.[Tirmizi: 1956]
11. Andhe ko rasta batana sadqa hai .[Ibne Habban :3368]
12. Bahre se tej awaz me baat karna sadqa hai .[Ibne Habban : 3368]
13. Gonge ko is tarah batana ki wo samjh sake sadqa hai.[Ibne Habban :3377]
14. Kmjor admi ki madad karna sadqa hai .[Ibne Habban :3377]
15. Madad ke liye pukarne wale ki daor kr madad karna sadqa hai .[Ibne Habban: 3377]
16. Sawab ki niyat se apne ghar walo par kharch karna sadqa hai.[Bukari : 55]
17. Do logo ke beech insaf karna sadqa hai .[Bukhari :2518]
18. Kisi admi ko sawari par bithana ya uska saman utha kar sawari par rakhwana  sadqa hai .[Bukhari :2518]
19. Dusre ko nuksan pahuchane se bachana sadqa hai. [Bukhari:2518]  
20. Namaz ke liye chal kr jane wala har qadam sadqa hai .[Bukhari:2518]
21. Raste se taqleef deh cheez htana sadqa hai. [Bukhari :2518]
22. Apne bete ko khilana sadqa hai. [Nisayi - Kabeer:9185]
23. Khud khana sadqa hai. [Nisayi : Kabeer:9185]  
24. Apni biwi ko khilna sadqa hai. [Nisayi : Kabeer:9185]
25. Apne khadim ko khila sadqa hai.[Nisayi : Kabeer:9185]
26. Kisi musibat jada hajatmand ki madad karna sadqa hai.[Nisayi : 253]
27. Apne bhai se muskura kar milna sadqa hai. [Tirmizi:1963]
28. Apne bhai ki madad karna sadqa hai. [Abu yala: 2434]
29. Pani ka ek ghoot pilana sadqa hai. [Abu yala: 2434]
30. Milne wale ko salam karna sadqa hai. [Abu yala: 2434]
31. Apas me sulah karwana sadqa hai. [Bukhari- Tarikh: 259/3]
32. Tumhare darhat ya fasal se koi kuch khaye sadqa hai. [Muslim :1553]
33. Bhoke ko khana khilana sadqa hai. [Behki - Shuaib :3367]
34. Do martaba karz dena ek martaba sadqa dene ke brabar hai. [Ibne maja : 3430]
35. Kisi admi ko apni sawari par bitha lena sadqa hai. [Muslim : 1009]
36.  Gumrahi ki sarzami par kisi ko hidayad dena sadqa hai. [Tirmizi : 1963]
37. Zaroorat mand ke kaam ana sadqa hai. [ Ibne Habban : 3368]
38. Ilm sikh kar musalman bhai ko sikhana sadqa hai. [Ibne maja :2243]

Is paigam ko logo tak pahucha kar sadqa e zariya ka hissa ban jaye.

3  SAWAL

Kaha jata hai ki sultan Mahmood gajnavi ke zahan me hamesha 3 sawal khatakte rahte they.

#  Pahla sawal ye ki me waqyi Subutageen ka beta hu ki nahi . Kyuki un ke mutalliq  mashhoor tha ki ye badshah ke sage bete nhi balki god liye bete hai .

# Dusra ye ki ulma waqyi ambiya ke waris hai ???Ye to khud  be akhtiyar qaum hai . Ambiya ka waris to badshah e waqt ya kisi ba akhtiyar admi  ko hona chahiye .

# Tesra ye ki main jannat me jaunga ya nahi ???

Inhi 3 sawalo ko lekar wo hamesha pareshan rahte they .Ek martaba kisi safar se wapas aa rahe they ki raste me ek talib e ilm ko dekha jo kitab haath me liye ek kabab farosh ke diye ke paas khada hai .Hawa chalti h to ye talib e ilm diye ke kareeb ho jata hai jyada aage bhi nhi badh sakta ki kahi kabab farosh ye na kah de ki bhai lena nhi to fir khade kyu ho ??

Sultan Mehmood ne jab ye manjar dekha to khadim ko huqm diya ki ye mashal is talib e ilm ko diya jaye ,aap khud andhere me ghar tashreef le aye , isi raat me khwab me aap sallahu alihi wasllam ki jiyarat hui, aap sallahu alihi wasllam ne ek jumla irshad farmaya aur sultan Mehmood ko apne teeno sawalo ke jwabat mil gaye . 

Maloom hai ??? Wo jumla kya tha ...... mulakhta ho, 

"Aye Subuktageen ke bete , tere jannat me jane ke liye itna kafi hai ki , tu ne us ambiya ke waris ko charag diya ".

 KYA  THA  HUMARE  PAIGAMBARO  KA  YAKEEN ???

LA  ILAHA  ILLA  ANTA  SUBHANAKA  INNI  KUNTO MINAZ  ZALIMEEN 

Machli ka pet, ghup andhera, rab ko pukara, aur nijat mil gayi . Kaha hai humara yakeen???

Choti si mushkil , preshani pe sab se pahle humare muh se nikalta hai ki mere saath hi Allah aisa kyu karta hai ya sari azmaish mere liye hi kyu rakkhi gyi hai ????

Ek baar dil ke yakeen se ise pukar ke  dua to kare na. Rab ke faisle sab se behtareen hai . Humara rab wo nhi deta jo behtareen hota hai balki hume wo is se nwazta hai jo humare liye behtareen hota hai to fir ye shor machana chod de aur apne khwahisho ko rab ki chahat pe mat hawi hone de .

Hazrat e Ibraheem alehissalam,  aag ka thanda hona hasbunal lahu naimal waqeel  kitni khobsorat dua hai . Kya hum kabhi aag me giraye gaye hai ?? Nahi na . To hum apni aam si mushkil ke liye kyu choti si dua nahi mang sakte , kyu hum apni zindagi se shikwe ko nikal nahi sakte ,kyu hum sabar aur shukar ko apni zindagi ka shuaar nhi bna lete kya hamari mushkilat humare Rab se badi hai ???  

Rab pe bharosa aur tawqqal kare , sabr se aur namaz se madad talab kare. Wo jaroor ata karta hai. Wo kabhi bhi apne bando ko akela nahi chodta . Jab koi ungli chodta hai na to us se pahle hi wo ungli pakadne wala bhej deta hai aur agar jis ki ungli pakdne wala koi na ho aiso ko wo fir khud aage badh kar thaam leta hai bas iski paak zaat pe apna yakeen pakka kijiye.

BETIYA  BETIYA  HOTI  HAI

Haatim taayi ki beti qaid ho kar bargah e risalat sallalahu alihi wasallam me ayi aur thoda sa sar se dupatta ...........sar ke thode baal ya ek baal nazar a raha tha.

Aap ne hazrat e umar radiallahu anhu ko farmaya umar beti ke sar pe dupatta do. Hazrat e umar radiallahu anhu ne kaha ya rasool allah kafir ki beti hai .

Aap sallalhu alihi wassalam ne ro kar farmaya umar beti, beti hoti hai chahe kafir ki ho ya musalman  ki .  Aap apni jagah se uth khade huye aur chadar uthakar bachchi ke sar par rakkhi aur farmaya beta mere sahaba apko qaid kar ke laye hai mere paas rahna chaho to raho wapas jana chaho to ja sakti ho . Wo ladki kahti hai main wapas jana chahti hu . 

Aap sallahu alihi wasallam par mere maa baap qurban .Aap  ne sahaba ki duty lgayi . Do din aur do raato ke baad aap ke pak sahaba darwaze par pahuche darwaza khatkhtaya. Andar se atayi bin haatim yani haatim ka beta bahar aya . Jab bahan ko gair mahram sahaba ke saath dekha to gusse me a gaya . Pahla sawal  bahan se pocha . Musalmano ka nabi kaisa hai ?  Bahan bhaag kar age hui aur bhai ke muh par haath rakh kar kahti hai bhai galat alfaz muh se na nikalna mara baap bhi meri izzat ki hifazat nahi kar sakta jo Muhammad e arbi ne ki hai.

Usne pocha ye sahaba ka kirdar kaisa h ? Kahne lagi namaz ka wqat  hota tha ye namaz padhte they maine unka chehra nhi dekha unhone mera nahi dekha . Gussa thanda ho gaya . Kahne lga agar musalmano ka nabi itna accha h to musalman kyu nhi hui . Wo kahne lgi dil chahta tha musalman ho jao fir socha khi bhai jahnnami ho kar na mar jaye . Tumhe lene ayi hu . Aoo dono bahan bhai nabi ke qadmo ko chum kar jannat ki bhare na loot le ?

Mai hath jodti hu mujhe batao mera nabi to kafir ki beti ko izzat deta hai . Tum ek Adam ki aoulad ek musalman bahan ke sath waqt paas ka rahe ho . Mujhe batao kal ko husain ke nana ne poch liya to kya jwab doge .

Wo kamli wala kafir ki beti ke sar ka duptta girta nhi dekh sakta tum apni musalman bahno ki izzat se khelte ho . 

Wo kali zulfo wala sohna nabi aur un ke sahaba do din do raat ke baad ek na mehram ko bina  dekhe  ghar pahuchate hai tum har waqt apni musalman namehram bahan ko dekhne ke talb gaar ho koi bahan beti road par school college me apne kisi maqsad me apni kisi majboori me kaam par ja rahi hai to tm ek gandi lomdi ki tarah nazro se ise dekh rahe ho 

Mai bhi apna muhasba karo .........aur tum bhi socho......

QURANI MALUMAAT

PART-2

1. Wo kon sa mulk hai jis ka zikr quraan paak me hai? ( Egypt)
2. "Khatemun nabi-e-en " hone ka saboot quraan paak ki kis surat me hai ? (surah ahzab ;ayat no.40)
3. Gazwa-e-khandak ka zikr quraan ki kis surah me hai ? (surah ahzab)
4. Aourto ke parde ke mutallik ahkakmaat kis surah me hai ? (surah ahzab me )
5. Wo kon se sahabi they jinka naam quraan  paak me aya hai (hazrat-e- zaid bin harsa radiallahu anhu)
6. Ummahatul momineen me se quraan paak mukammal kis kis ko yaad tha? (hazrat-e-ayesha siddiqa ,hazrat-e-hafsa , hazrat-e umm-e-salma radiallahu anhunna )
7. Quraan paak me ulma ka lafz kitni baar aya hai? (2 baar )
8. Quraan paak ki kis surat me nabi-e-akram sallalahu alehiwasllam ko '' sirajam muneera'' ke laqab se yaad kiya gya hai? ( surah fatir)
9. Surah ''rahman''' kon se pare me hai ? (27th pare me)
10. Rahman ka lafz quraan paak me kitni martaba aya hai ? (53)
11. Quraan paak ki us surat ka naam bataye jis me jinno ke sath insano ka bhi zikr hai ? (surah rahman)
12. Quraan paak ki kis surat ko zeenat kha gya hai ? (surah rahman)
13. Khuda-e-taala ne kis surat me apni naimato ka zikr kiya hai? (surah rahman)
14. Quraan paak ki sab se chhoti ayat  kon si hai? (Surah rahman me , mudhammatan)
15. Talaq ke bare me zyada msaiel kis surat me hai ? (surah talaq)
16. Kis surah me nabi-e-paak sallallahu alehi wasllam ko muzammil ke naam se khitab kiy agya hai ? (Surah muzammil)
17. Rasool-e-paak sallallahu alehi wasllam ne tableeg ka agaz kis surah se kiya ? (Surah mudassir )
18. Nabi-e-akram sallallahu alehi wasallam par jibreel ameen kitni martaba wahi lekar hazir huye ? (2400 martaba)
19. Qyamat ka zikr kis surah me hai? (Surah qiyamh)
20. Surah gashiya me nabi-e-akram sallallahu alehi wasallam ko kis naam se yaad kiya gya hai? (''Muzakkir'' nasihat karne wala)
21. Quraan paak ki kis surah me lailatul qadar ka zikr hai? (Surah qadar me )
22. Quraan paak kab nazil hua ? (lailatul qadar me ) 
23. Surah feel me kis janwar aur parinde kazikr hai? (hathi (elephant) aur ababeel ka )
24. Quraan paak ki sab se chhoti surah kob si hai? (surah kousar)
25. Surah kousar me nabi-e-akram sallallahu alehi wasallam ko ''kousar'' ki basharat dete huye kin bato ka hukm diya gya hai? (namaz aur qurbani ka)
26. Abu lahab ke lagwi mane kya hai ? ( Aag ka baap )
27. Surah ''lahab'' me abu lahab ke alwah kis ki tbahi ki khabar hai? (abulahab ki biwi aur us ki aoulad ki )
28. Wo koun si surah hai jise 3 baar padhne se mukammak quraan paak ka sawab milta hai? (surah ikhlas ) 
29. Surah ikhlas ka dusra naam bataye ? (surah touheed)
30. Quraan paak me kitne gazwaat ka zikr hai? 
31. Quraan paak me jin 5 buto ka zikr hai unke naam kuya hai? (wood , sawaa, yagoos, yaqooq, aur nasar)
32. Quraan paak me kis ko haram zada kaha gya hai ? (waleed bin mugeera ko)
33. Waleed bin mugeera ne kya jurm kiya ha ? (Nabi akram sallallahu alehi wasallam kishan me gustakhi ki thi)
34. Quraan paak me zulqarnain ka zikr aya hai wo kon they ? (faras ke badshah) (33) Quraan paak ka pahla tarzuma kis zuban me hua ? (farsi)
35. Farsi me tarzuma kisne kiya ? (sheikh saadi ne)
36. Quraan paak ka sabse pahle urdu tarzuma kisne kiya? (Shah rafiuddin ne )               

QURANI MALUMAAT

PART-1

1. Aayat-e-Bismillahhir rahmanir raheem  Quraan e paak me kul kitni jagah maoujood hai ? (114)
2. Quraan paak kise kahte hai ?( Allah taala ki taraf se jo kalam nabi paak sallalahu alehiwassallm  par nazil hui)
3. Quraan paak me pahli wahi kaha nazil hui aur is ke alfaz kya they ?(Gaar e hira me nazil hui , pahli   wahi ke alfaz-  Iqra bisme rabbikal lazi khalaq )
4. Nabi-e kareem sallalahu alehiwassallam par sab se pahle koun se surah nazil hui ? (Surah Alaq  )
5. Quraan paak me kitni surat-e- makki aur kitni madni hai ? (82 makki aur 32 madni hai )
6. Quraan paak me kitne pare hai? (30 pare)
7. Quraan paak me kitne sajde hai ?(14)
8. Quraan paak me kul kitni surate hai? (114)
9. Qurran paak me kul kitne ruqu hai ? (558)
10. Quraan paak me kul kitni aayat hai ? (6236 kanjul imaan )
11. Quraan paak me kul kitne kalmaat hai ? (86430) 
12. Quraan paak me kitne zabar  hai ? (53223)
13. Quraan paak me kitne zer hai ? (39586)
14. Quraan paak me kitne pesh hai ? (8804)
15. Quraan paak me kul kitne nukte hai ? (105684)
16. Quraan paak me kisne tashdeed ,hamza ,aur madd lagaye ?(Khaleel bin Ahmad basari)
17. Quuran paak me kitni madde istemal hui h ? (1071)  
18. Quraan paak me kitni shadde istemal hui h ? (1274)
19. Nabi-e-paak sallalahu alehi wassallam jab hizrat ke liye ghar se rawana huye to kon si surah tilawat farma rahe they ? (surah Yaseen )
20. Wo kon si surah hai jise Quraan ka dil kahte hai ? (surah Yaseen)
21. Quraan paak me Allah taala ke kitne naam aye hai ?  (99) 
22. Quraan paak kis month me nazil hui ? (Ramdan me )
23. Quraan paak kis muqaddas raat me nazil hui ? (Lailatul qadr me)
24. Quraan paak ki sab se badi surah kon se hai ? (surah Baqrah)
25. Quraan paak me kitni manzile hai ? ( 7 )
26. Surah Baqrah me Hazrat-e-Aadam alehissalam ka zikr kitni martba aya hai ? (5 martaba )
27. Surah Baqrah me kitne ambiya ka zikr aya hai ? ( 8 )
28. Quraan paak kis huruf se shuru aur kis par khatm hota hai ?  (Alif se shuru aur Seen par khatm hota hai )
29. Momino tum par roze farz kiye gaye " is ka zikr quran paak ki kis surah me hai ? (Surah Baqrah )
30. Hazrat-e- Jibrail alehissalam ka zikr quraan paak me kitni  jagh aya hai ? ( 3  jagh)
31. Aourat ki shahadat ka waqiya quran paak ki kis ayat me hai ? (surah baqrah  ayat 286)
32. Quraan paak ki taweel (lambi) ayat kon si hai ?  (ayat-al-kursi )
33. Ayat-al- kursi  surah baqrah ki kon siayat hai ? ( ayat no. 255)
34. Ayat-al-kursi quraan ke kis pare me hai ? (3rd  pare me)
35. Sharab na peene ka hukm kis surah me nazil hua ? (surah mayeda)
36. Quran paak ka pahla sajda kis surah me hai? ( surah al araf ke akhri ruku me )
37. Jang-e badar me farishto ki amad ka zikr ki surah mubark me hai? (surah anfal)
38. Maszid zarrar ka zikr quraan paak ki kis surah me hai? (surah touba :ayat no.108)
39. Quraan paak ki kis surah me shahad ki makkhi (honey bee) ka  zikr hai? (surah nahal : ayat no.48 to 49)   
40. Quraan paak me waqya meraj ka zikr kin kin surato me hai ? (surah bani israeel  aur surah najam)
41. Ashab-e-kahaf ka zikr quraan paak ki kis surah me hai? (surah kahaf)  
42. Ashab-e-kahaf kitna arsa gaar (cave) me soye ? (309 year) 
43. Nijashi ke darbar me hazrat-e-jaafar tayyar ne kon si surat ki  tilawat ki ? (surah maryam)  
44. Quarrn paak ki wo koun si surah hai jo ek khatoon ke naam pr   hai? (surah maryam)  
45.  Quraan paak me ambiya ke naam se kitni surate hai ? ( 6 )   
46.  Allah taala ne nabi-e-paak  sallalahu  alehi  wasslam  ko  '' rahmatullil alameen"  ke laqab se kis surat me yaad farmaya hai ?  (surah ambiya me) 
47. Surah noor me kis ummul momineen  ki paak damni ka zikr  hai? ( hazrat ayesha siddiqa radiallahu taala anha)
48. Hazrat-e saleh alehissalam ki utni wala mojza jo mashhoor hai wo kis surat me hai? (surah shora)   
49. Surah qasas me kis paigambar ka tafseel se zikr hai? ( hazrat-e-moosa alehissalam ka )    
50. Quran paak me lukmaan hakeem ka zikr aya hai  wo koun  they? (qoum-e- aad se falsafi  aur hakeem they)

       Part -2

Hazrat Maryam alaihissalam

             Hazrat-e-Maryam alaihissalam  

  Hazrat-e-Maryam alaihissalam kisi ki biwi nhi hai . Ha ek paigamber ki maa hai .

Hazrat-e-Maryam alihissalam ke walid Imran aur Zakarya  dono hum zulf they .Imran ki biwi ka naam Hazrat-e- Hinna tha aur Zakarya alihissalam ki biwi ka Ishaan tha .Imran ki biwi Hazrat-e-Hinna se ek zamana tak aoulad na hui.Yaha tak ki budhapa aa gya aur mayuosi ho gyi .Ye saliheen ka khandan tha aur ye sab log Allah ke maqbool bande they .                                                       Ek roz Hinna ne ek darakht ( tree )ke saye tale ek chidiya (bird) apne   bachche ke sath dekhi to ye dekh kar aap ke dil me aoulad ka shouk  paida hua aur bargahe ilahi me dua ki '' ya rab agar tu mujhe bachcha de to me is ko baitul muqaddas ka khadim banao aur is ki khidmat ke liya hazir karu .Chunancha khuda ne dua sun li aur jab wo hamela hui aur unhone ye nazr maan li to un ke shohar ne farmaya ki tum ne ye kya kiya . Agar ladki ho gyi to woh is qabil kaha hai . Us zamane me ladko ko kidmat-e-baitul muqaddas ke liye diya jata tha . Aur ladkiya is qabil nahi samjhi jati thi . Hamal se pahle Imraan ka intekal ho gya aur Hazrat-e-Hinna ke ha ladki paida hui aur Allah ke fazal se aisi ladki paida hui jo farzand se jayada fazilat rakhne wali thi . Ye sahabzadi hi Hazrat-e- Maryam alihissalam thi aur apne zamane ki aourto me sab se ajmal wa afzal thi. In ka naam Maryam is liye rakhkha gya ki Maryam ka mana ha ''Abidah ''. 

                      (Quraan  kareem , chapter ; 3                                                               tafseer khaza-e-nul irfan  ;page no.80-81)

                Hazrat-e-Maryam Mehraab Me

     Hazrat-e-Hinna ne jo nazr maani thi ,khuda-e-taala ne qubool farma li . Hazrat-e-Hinna ne wiladat ke baad Hazrat-e-Maryam ko ek kapde me lapet kar baitul muqaddas me ahbaar ke samne pesh ka diya .Ye ahbaar Hazrat-e-Haroon aliahissalam ki aoulad me se they .Chuki Hazrat-e-Maryam in ke imam ki dukhtar          ( beti ) thi aur in ka khandan bani israyeel  me bada ouncha khandan tha is liye in sab ne jin ki tadad 27 thi ,  Hazrat-e- Maryam ko lene aur in ka kafeel banne ki ragbat ki .Hazrat Zakarya ne farmaya me chuki Maryam ka khaloo hu , is liye sab se  jyada haqdaar me hu .Mamla is par khatam hua ki quraa dala jaye .Quraa dala , to quraa Hazrat Zakarya ke naam hi nikla aur aap Hazrat Maryam ke kafeel bne .Aap ne fir baitul muqaddas me Hazrat-e-Maryam ke liye mehrab ke paas ek kamra bnaya . Is me aap ko rakhkha  .Hazrat-e- Maryam ki ye karamat thi ki aap ek din me itna badhti thi jitna dusra bachcha saal bhar me badhta hai . Aur aap ne kisi aourat ka doodh bhi nahi piya  balki Hazrat-e-Zakarya  jab kamra band karke ise qafal ( lock )lga kar bahar tashreef le jate aur wapas waha ate to un ke paas rang rang ke be mousam fal moujood pate .Ek roz aap ne ye manzar dekha to pucha ;    ''Ya Maryam anna laki hazihi ''

     Ay   Maryam ! Ye mewe tere paas kaha se aye ?  Aap ne jawab diya ''hua min indillahi '' Wo Allah ke paas se aye hai .

Ye bhi Hazrat-e-Maryam ki kramat thi ki bachpan me aap ne baat sunkar is ka jawab diya aur farmaya ;  Ye be mousam fal Allah ke paas se aya hai .Hazrat-e-Zakarya alaihissalam ne jab ye dekha ki Allah tala Maryam ke paas be mousam fal bhej raha h to farmaya ki jo zaat paak Maryam ko be waqt , be fasal aur bagair sabab ke mewe ata  farmane par qadir hai ,wo beshak is par bhi qadir hai ki meri banjh biwi ko nayi tandurti de aur mujhe budhape ki umar me ummeed khatam ho jane ke baad farzand ata farmaye-                                                                                                ''Huna lika duaa zakariyya rabbahu qala rabbi habli milladunka zurriyatan tayyibah .Innaka sami ud duaa.''

                 ( Quraan kareem ; chapter 3 ; verses 12 )

   ''Yaha pukara Zakarya ne apne rab ko ,bola aye rab  mere mujhe apne paas se de suthri aoulad .Be shak tu hi hai dua sunne wala .''

Chunanch waha mangne ka ye asar hua ki Zibreel ameen hazir huye aur arz kiya ; ''Yu bashsheruka  be yahya ''  Aap ko muzda deta hai Yahya ka .

chunancha muqaddas budhape me aap ko Allah tala ne Yahya alaihissalam ata farmaya .

(Quraan kareem ; chapter 3 ;verses 12,  Ruhul bayan , page no.323)       

                          SABAQ

Karamat-e-aouliya haq hai . Hazrat-e-Maryam alaihissalam bagair kisi aourat ka doodh piye din me itna badhti thi jitna dosra bachcha saal bhar me badhta hai aur aap ke liye saman jannat se ata .Maloom hua ki Allah har cheez par qadir hai . Ye bhi maloom hua ki khuda taala apne makhsoos bando ki khas tarbiyat farmata hai aur ye bhi maloom hua ki jaha kisi Allah ke nek bande ke qadam lag jaye ,is jagah me taseer ho jati hai ki waha jo bhi dua mangi jaye Allah qubool farma leta hai . Isi liye to Hazrat Zakaya alaihissalam ne waha kade hokar dua mangi jaha Maryam baithi thi , goya Hazrat-e-Maryam ke qadmo ki barkat se woh kitta-e-zameen aisa kitta ban gya tha ki waha jo dua mango qubool ho jati thi warna Hazrat-e-Zakarya ne wahi  jagah dua ke liye kyu mutakhib ki .Beshak sari zameen Allah ki zameen h magar us zameen ke baaz hisse kittta-e- paidawar ke haq me mufeed hote hai .Zakarya alaihissalam ne usi jagah dua mangi jaha Hazrat-eMaryam baithi thi . Isi tarha hum jo Data sahab ke mazar par ya azmer shareef ki haziri de kar waha dua mangte hai isi liya ye zameen Allah walo ke qadmo ki barkat se muqaddas ho chuke hai jaha Allah se jo  bhi  dua mangi jaygi , khuda qubool farmayega aur madina munawwara ki haziri naseeb ho jaye to fir kahne hi kya .Woh sar zameen to hai hi jannat , waha jo bhi mango paoge -

                    Mangte ka hath  uthte  hi  data  ki dain thi 

                  Doori  qubool o arz me bas hath bhar  ki  h